سه‌ما
سه‌رۆكێ كۆمسیۆنا بلند یا سه‌ربه‌خۆیا هه‌لبژارتنێن عیراقێ راگه‌هاند كو هه‌موو ئامادوكارى ب باشى بۆ هولبژارتنێن په‌رله‌مانێ كوردستانێ دهێنه ئه‌نجامدان، له‌وما پشتى ده‌نگدانێ ب 24 ده‌مژمێران ئه‌نجامێن هه‌لبژارتنا په‌رله‌مانێ كوردستانێ دێ ئێنه به‌لاڤكرن.
ئيرۆ دووشه‌مبوويێ 12ى ته‌باخێ، عومه‌ر ئه‌حمه‌د سه‌رۆكێ كۆمسیۆنا بلند یا سه‌ربه‌خۆیا هه‌لبژارتنێن عیراقێ د كۆنگره‌یه‌كێ رۆژنامه‌ڤانى دا راگه‌هاند، كو پشتى ده‌نگدانێ ب 24 ده‌مژمێران ئه‌نجامێن هه‌لبژارتنا په‌رله‌مانێ كوردستانێ دێ ئێنه به‌لاڤكرن.
زێده‌تر گۆت چ كێماسى د ئاماده‌كاریێن وان دا بۆ هه‌لبژارتنا په‌رله‌مانێ كوردستانێ نینن هه‌روه‌سا ئيرۆ برگه‌یه‌كا دى یا خشته‌یا كارێن مه بۆ هه‌لبژارتنێن په‌رله‌مانێ كوردستانێ هاته جێبه‌جێكرن كو ده‌نگدانا ئه‌زموونى یه.
رۆنكر ژى كو د ده‌نگدانا ئيرۆ دا ئامێرێ پشتراستكرنێ ئامێرێ ژمارتن و جوداكرنا ده‌نگان (پیكۆس) و ئامێرێ ره‌وانه‌كرنا ئه‌نجاما (ئار تى ئێس) بێ كێشه بوون.
زانیاریێن زێدوتر خستنه بور و گۆت پرۆسا ئيرۆ بۆ دلنیابوونێ یه ژ شیان كارامه‌یى سلامه‌تیا هویر یا ئامێر و پرۆگراما و رێكارێن كۆمسیۆنێ ب مه‌به‌ستا گه‌هشتنا بلندترین ئاستێ خوه ئاماده‌كرنێ بۆ هه‌ردوو ده‌نگدانێن تایبه‌ت و گشتى.
ديار ژى كر، كۆمپانیا ئه‌لمانى هانسۆلت خودانێ پرۆگرام و ئامێرێن ده‌نگدانێ یێن كۆمسیۆنا بلند یا سه‌ربه‌خۆیا هه‌لبژارتنێن عیراقێ یه،له‌وما نوێنه‌رێن كۆمپانیێ و نوێنه‌راتیا نه‌ته‌وه‌یێن ئێكگرتى ل عیراقێ (یونامى) دێ ئاماده بن د پرۆسا ده‌نگدانا ئه‌زموونى دا كو ل هه‌موو ناڤوندێن دونگدانێ ل هور چار پارێزگوهێن هوولێر سلێمانى دهۆك و هولوبجه دێ هێته كرن.