ناڤەندا نووچەیان – سەما
بنگههێ لالش يێ ڕهوشهنبيرى و كۆمهلايهتى ل دهۆكێ بهياننامهيهك ل دۆر هێرشا گروپێن چەکدار یێن ب سەر حکومەتا دەمکی یا سووریێ بۆ سهر ڕۆژئاڤايێ كوردستانێ بهلاڤ كر و ڕاگههاند؛ بەردەوامبوونا ڤێ ڕێبازێ ئاماژەیەکا مەترسیدار ددەت کو دگەهتە ئاستێ ئەنجامدانا تاوانێن قڕکرنێ ل دژی گەلێ کورد.
بۆ ماویێ چەند رۆژایه گەلێ مە یێ کورد ل رۆژئاڤا تووشی هێرشەکا دژوار بووینە ژ ئالیێ گروپێن چەکدار یێن ب سەر حکومەتا دەمکی یا سووریێ ڤه، سەرەڕایی هەوڵێن گەلەک لایەنان، ب تایبەتی سەرۆکێ مەزن سهرۆك مەسعود بارزانی، ژ بۆ دیتنا چارەسەریێن ئاشتیانە کو مافێ گەلێ کورد و پێکهاتەیێن دگەل دا دژین د ژیانەکا ئازاد و سهرفهراز ل سەر ئاخا وان، و د چارچۆڤێ ئیدارهیهكا فیدرالی د دەولەتا سووریێ دا، لێ هێشتا ڤان گروپێن چەکدار یێن سەر ب حکومەتا دەمکی ڤە، پهنایێ د بهنه زمانێ چەکی ل جهێ دانوستاندنێ.
ئەو زۆردارییا ب شێوەیەکێ سیستەماتیک كو دگەل ڤان هێرشان دئێتە کرن ل سەر وەلاتیێن کورد، و دەستکاریکرنا لاشەیێن قوربانیان، و ئەشکەنجەدانا ئێخسیران، پێشێلکارییەکا ئاشکرایە بۆ یاسایا نێڤدەولەتی یا مرۆڤایەتی، و رێیەکا گەلەک مەترسیدار نیشان ددەت کو ئاشتییا ناڤخۆیی ددەتە بەر هەڕەشێ، هەروەسا، زێدەبوونا گۆتارێن تهکفیركرنێ و هاندانا دژی کوردان، و ئەو نەریتێن دوورخستن و رەگەزپەرستیێ کو دگەل خۆ دئینیت، هەڕەشەیەکا ئاشكهرایه ل سەر پێکڤەژیانا هەڤپشک و دەرگەهێ ڤەدکەت بۆ تاوانێن کۆمەلکوژیێ کو ئەنجامێن وان د باش نینن.
بەردەوامبوونا ڤێ رێبازێ ئاماژەیەکا مەترسیدار ددەت کو دگەهیتە ئاستێ ئەنجامدانا تاوانێن قڕکرنێ ل دژی گەلێ مە یێ کورد، و هەروەسا ئامادەکرنا زەمینێ و رێكخۆشكرنه بۆ زڤڕینا گروپێن تیرۆرستی یێن داعش، کو هەڕەشەیەکا مەترسیدارە ل سەر ئاسایش و سەقامگیرییا هەموو دەڤەرێ.
لەوڕان، بنگههێ لالش یێ رەوشەنبیری و جڤاکی ب توندی ڤان هێرشان، و زۆرداری و ئەشکەنجەدانا کو دگەل خۆ دئینن ل سەر لاوێن گەلێ مە یێ کورد ل رۆژئاڤا، شهرمهزار دکەین و رەخنێ لێ دگرین، و داخوازێ ژ ناڤەندێن بڕیاردەر یێن نێڤدەولەتی، ب تایبەتی ئەمریکا، دکەین کو دەستوەردانەکا دەستبەجێ بکەن ژ بۆ راگرتنا ئۆپەراسیۆنێن سەربازی، و حکومەتا دەمکی یا سووریێ ناچار بکەن کو مافێن رەوا یێن گەلێ کورد و هەمی پێکهاتەیێن سووریێ قەبوول بکەت، کو ئاشتییا بەردەوام و سەقامگیری و گەشەکرنێ ل دەڤەرا مە مسۆگەر بکەت.
بنگههێ لالش یێ ڕەوشەنبیری و كۆمهلایهتی/دهۆك
2026/1/20