ناڤەندا نووچەیان – سەما
ئيرۆ چارشهمبوويێ 21ـى كانوونا دووێ 2026، جڤاتا ئێزديێن سووريا د پهيامهكێ دا سوپاسييا سهرۆك بارزانى و گهلێ كوردستانێ كر، بۆ پێشكێشكرنا هاريكاريێن مرۆڤى بۆ زهرهرمهندان ل ڕۆژئاڤايێ كوردستانێ.
د پهياما جڤاتا ئێزديێن سووريا دا هاتييه:
رێز و پێزانينێن خۆ ئاراستهى دهزگههێ خێرخوازيێ بارزانى بۆ وێ دهستپێشخهرييا مرۆڤى ڕاگههاندى دكهين، كو پێكهاتييه ژ كاروانهكێ هاريكاريێن هاوارهاتنێ و نۆژدارى، د ڤان كاودانێن ب زهحمهت و ڕهوشا مرۆڤى يا مرۆڤى دهڤهرێن باكور و ڕۆژههلاتێ سووريا تێدا دهرباز دبن.
گههشتنا ڤى كاروانى بۆ دهڤهرێن پارێزگهها حهسهكه بۆ هاريكاريكرن و دابينكرنا پێدڤيێن ئاواره و كۆچبهران دبته پێنگاڤهكا گرنگ بۆ پشتهڤانيكرنا زهرهرمهندان، و ئهڤه ژى ڕهنگڤهدانا پابهندبوونا مرۆڤى يه ههمبهرى خهلكێ دهڤهرێ د ڤێ قۆناغا ههستيار دا.
ههروهسا ئهم سوپاسى و پێزانينێن خۆ ئاراستهى سهرۆك بارزانى و گهلێ كوردستانێ دكهين، بۆ ڤێ پشتهڤانييا مرۆڤى بۆ كێمكرنا ئازارێن سڤيلان، دوور ژ ڕهچاڤكرنا ههر تشتهكێ دى.
ههر دڤى چارچۆڤهيى دا، هيڤيخوازين جڤاتا نيشتيمانى يا كوردى و تهڤايا پارت و هێزێن كوردى ل سووريێ ههماههنگى و ههڤكاريێ ل گهل دهزگههێ خێرخوازيێ بارزانى بكهن، ئهوا دبهرژهوهندا خهلكێ دا بت و ئهولهوياتێن خهلكێ ل پێشيێ بن.