ناڤەندا نووچەیان- سەما
سەرۆک بارزانی، ئیتالیا ب “دۆستا گەلێ کوردستانێ” ب ناڤ دكهت و دوپاتكر، بەرپرسێن وى وهلاتى سۆزا پشتهڤانى و هاريكاريكرنا کوردێن ڕۆژئاڤايێ کوردستانێ دايه.
ئيرۆ پێنج شەمبوويێ، 22ـی کانوونا دووێ 2026، سەرۆک بارزانی د چارچۆڤێ سەرهدانا خۆ يا فەرمی دا بۆ ئیتالیا،ل رۆما پايتهخت، ل گەل گویدۆ کرۆزیتۆ، وەزیرێ بەرگرییا ئیتالیا کۆم بوو.
دهربارەی ئەنجام و ناڤەڕۆکا کۆمبوونا خۆ ل گەڵ وەزیرێ بەرگرییا ئیتالیا، سەرۆک بارزانی گۆت ” کۆمبوونا مه، کۆمبوونەكا زۆر باش بوو. بێگۆمان، جەنابێ وەزیرى دۆستهكێ زۆر بەڕێز و نێزیکی گەلێ کوردستانێ يە، بهحسێ ڕۆژئاڤایێ کوردستانێ و هەموو بابەتان کر. گهلهك تێگەهشتن، ب هەموو لایەکى بزاڤان دكهين کو شەڕ نەبت و ب سهكنت و خەلکێ کوردستانێ تووشی ئێش و ئازار و دەستدرێژیێ نەبن.”
سەرۆک بارزانی تهكهزكر “بۆ مه ژ هەموو تشتهكى گرنگتر، کەرامەت و هەبوونا کوردانه، هەرچی پێدڤى بت بۆ پاراستنا کەرامەتا گەلێ کوردستانێ، ئهم د ئامادەینه بکەین.”
سەرۆک بارزانی بهحس ل وێ چهندێ ژى كر “ل گەل هەموو لایەکى د پەیوەندیێ داينه بۆ هندێ کێشە ب دانوستاندنێ بێنه چارەسەركرن و هیڤييا مه ژى ئهوه؛ بەلێ هەموو ئەگەر ژى د ڤهكرى نه و دڤێت خۆ بۆ ههموو بارودۆخهكى ئامادە بکەین.”