ناڤەندا نووچەیان – سەما
د پەیوەندییەکا تێلەفۆنیدا، هنارتییێ تایبەتێ سەرۆکێ ئەمریکا بۆ کاروبارێن سووریا، ب ناڤێ خۆ و سەرۆکێ ئەمریکا، سوپاسی و پێزانین گەهاندنە سەرۆک بارزانی، ئەو ژی بەرانبەر هەولێن ڕژد یێن سەرۆک بارزانی گرتینە بەر بۆ سەرخستنا دیالۆگ و گەهشتنا ئاشتیێ ل سووریا.
ل ڕۆژا ئینیێ 30ـی کانوونا دووێ 2026، پەیوەندییەکا تێلەفۆنی دناڤبەرا سەرۆک مەسعود بارزانی و تۆم باراک هنارتییێ سەرۆکێ ئەمریکا بۆ کاروبارێن سووریا هاتە ئەنجام دان.
بارەگەهێ بارزانی بەلاڤ کرییە، د پەیوەندیا تەلەفونیدا تۆم باراک ب ناڤێ خۆ و سەرۆکێ ویلایرتێن ئێکگرتیێن ئەمریکا سوپاس و پێزانینێن تایبەت ئاراستەی سەرۆک بارزانی کر بۆ ڕول هەلویستێ وی یێ بەرچاڤ د دەستەبەرکرنا ئاگربەستێ و پشتەڤانیا دیالۆگێ دناڤبەرا حکومەتا سووریا و هێزێن سوریا دیموکراتیدا، هەروەسا رۆلێ سەرۆک بارزانی دگەهشتن ب رێکەفتنا ئەڤرۆ یا دناڤبەر حکوومەتا سووریا و هێزێن سووریا دیموکرات بلند نرخاند.
ژ لایێ خۆڤە، سەرۆک بارزانی، زێدەباری سوپاس و پێزانینێن خۆ یێن تایبەت بۆ سەرۆکێ ئەمریکا و هەموو ئەو کەس و لایەنێن کو ڕۆل هەبوو ب ڕێیا دیالۆگێ کێشان چارەسەربکەن ، پشتەڤانیا خۆ ژی بۆ ڕێکەفتنا ئەڤرو دەڕبری، ئەوژی ژپێناڤ چەسپاندنا ئاشتیێ، هەروەسا سەرۆک بارزانی سوپاسی و پێزانین بۆ تۆم باراک هەبوو بۆ ڕۆلێ وی یێ کاریگەر کو بۆ گەهشتن بۆ ڕێککەفتنێ و ئاشتییێ ل دەڤەرێ ب گشتی و سووریا ب تایبەتی هەی.
د تەوەرەکێ دی یێ پەیوەندییا تێلەفۆنیدا، دەربارەی ڕەوشا عێراقێ تۆم باراک داخواز ژ سەرۆک بارزانی کر کو د ڕەوشا سیاسییا نوکە یا عێراقێدا رۆڵێ گرنگ و بەرچاڤ یێ خۆ ببینت.
هەروەسا سەرۆک بارزانی تەکەز کریە کو مەرجێ سەرەکیێ سەقامگیری و چارەسەریا ئاریشان، جێبەجێکرنا دەستور و پابەندبوون ل سەر وێ چەندێ پێکهاتێن عێراقێ ب خوە بڕیارێ ل سەر چارەنڤیسێ عێراقێ بدەن و سەروەریا عێراقێ بپارێزن.