ناڤهندا نووچهیان – سهما
ل ئێڤاريا ڕۆژا پێنج شهمبوويێ 19/2/2026، بنگههێ لالش ل دهۆكێ دانوستاندنهكا ڤهكرى بۆ كهسایهتیێ ئێزدیان و شێوهرمهندێ جڤاتا رۆحانی یا ئێزدیان “كهریم سلێمان” ل دۆر جڤاتا بلندا ئێزدیان هاته سازكرن.
ل بهراهيێ ناڤهاتی ب تێر و تهسهڵى بهحسێ ناڤهڕۆكا بابهتی كر و دیاركر: ل رێكهفتی 25/7/1997 ئێكهمین كۆمبوون ژ بۆ دامهزراندنا ڤێ جڤاتێ هاته ئهنجام دان.
گۆتژی: ئارمانج ژ پێكئینانا ڤێ جڤاتێ گهنگهشهكرنا بابهتێن دناڤ ئێزدیان دا روودهن و ههروهسان چاوانییا چارهسهركرنا ئاریشهیان ژی ههر دگهلدا دێ هاتبانه گهنگهشهكرن و لێ مخابن ههتا نهۆ نههاتییه دامهزراندن.
دیارژی كر: ههتا نهۆ گهلهك ئالنگاری هاتینه پێشییا ڤی بابهتی و ب دیتنا من ههگهر ئالنگاری بهێنه دهربازكرن دامهزراندنا جڤاتا بلندا ئێزدیان دێ گهلهك خزمهتا ئێزدیان كهت.
ههروهسان شێوهرمهند كهريم سلێمان زێدهتر ئاشكهراكر: 29 سالن “جڤاتا بلند یا ئێزدییان” يا هەلاویستییە و و ههكه تهحهدييات بهێنه دهرباز كرن دێ گهلهك خزمهتا ئێزدیيان كهت و ميرێ ئێزدييان ژى تهكهز ل پێكئينانا جڤاتا بلند يا ئێزدييان كرييه.
پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، بەرسڤا تێبینی و پرسیاران ژلایێ شێورمهندی ڤه هاتنە دان.
ل ههموو ڕۆژێن پێنج شهمبا ل بنگههێ لالش ل دهۆكێ، دانوستاندنهكا ڤهكرى ل دۆر مژارێن جودا جودا دهربارهى ڕهوشا ئێزديان بۆ ڕهوشهنبيران دئێته ڕێكخستن.
