ناڤەندا نووچەیان – سەما
خالد سەیدۆ عزیر، نوونەرێ کۆتایا ئێزدییان ل پەرلەمانێ عێراقێ، ل گەل شاندەکێ وەزارەتا دەرڤە یا ئەلمانیا ل بەرلین كۆم بوو، ژ بۆ بەحثكرنا داوی پێشهاتێن گرێدایی رەوشا شنگالێ و دەشتا نەینەوا، و ڕێكێن بەرهەڤكرنا هەڤكاریێ د بەشێن ئاڤەدانكرنێ و چەسپاندنا سەقامگیریێ و پپشتیڤانیکرنا زڤڕینا ئاوارەیان.
د هەڤدیتنێ دا، خالد سەیدۆ عزیر، نوونەرێ کۆتایا ئێزدییان ل پەرلەمانێ عێراقێ تەکەز کر کو
ئارامییا قەزا شنگالێ ئەولەویەتەکا نیشتیمانی یە و دوپات كر كو بەردەوامبوونا پشتەڤانییا نێڤدەولەتی، بە هەماهەنگی لگەل حكومەتا عێراقێ، بنەمایەکێ سەرەكییە ژ بۆ چارەسەركرنا ئەنجامێن جینۆسایدێ، و لەزكرن د ئاڤەدانكرن و بەرهەڤكرنا مەرجێن گونجای ژ بۆ زڤڕینەکا ئارام و بەردەوام یا وەلاتيیان بۆ دەڤەرێن وان.
هەروەسا رۆلێ کۆمارا ئەلمانیا یا ئتیحادی بۆ پشتەڤانیکرنا عێراقێ بلند نرخاند و هیڤی خواست كو چارچۆڤەیێن هەڤپشکییا دووقولی بهێزبن دا كو ببتە ئەگەڕێ چەسپاندنا سەقامگیرییێ و پشتەڤانیکرنا ڕێیێن گەشەپێدانا بەردەوام.
گۆتژی: فەرە ڕەفتار ل گەل پەنابەرێن ئێزدی وەكی پەنابەرێن دی نەئێتە كرن، چنکو ئێزدی ژ جینۆسایدەکێ ڕەڤینە كو هێشتا شوونوارێن وێ ماینە، و داخواز ژ دەستهەلاتدارێن پەیوەندیدار كر كو مافێ پەنابەرییێ بدەنە وەلاتيێن ئێزدی ل ئەلمانیا.