ناڤەندا نووچەیان – سەما
ئیرۆ چارشەمبوویێ، 11ـی شوباتا 2026، جڤاتا وەزیرێن هەرێما کوردستانێ، ب سەرپەرشتییا مەسرور بارزانی، سەرۆکێ حکومەتا هەرێما کورستانێ و قوباد تالەبانی، جێگرێ سەرۆکێ حکومەتێ، دێ کۆم بت.
د کۆمبوونێ دا دانوستاندن ل سەر سێ تەوەرێن سەرەکی دێ ئێتە کرن:
د تەوەرێ ئێکێ یێ کۆمبوونێ دا پشکا بودجەی و ئەنجامێن سەرژمێرییێ دێ ئێنه گۆتوبێژكرن، وەزیرێ پلاندانانێ دێ ڕاپۆرتەکێ پێشکێشکەت داکو حکومەتا فیدرال یا عێراقێ نهچار بکەت ڤێ ڕێژەیێ بکەتە بنەما بۆ دیارکرنا پشکا بودجەیا هەرێمێ، دوپاتی دێ ل سەر بجهئینانا وان بڕیار و ڕێککەفتنێن سالا 2024ـێ ئێتهکرن یێن هەتا نۆکە بەغدا بجهـ نهئیناین.
تەوەرێ دوێ تایبەته ل دۆر بابهتێ زیندانیێن سیاسی، پەسەندکرنا ڕێککەفتنا وەزارەتا شەهیدان و دەزگەهێ زیندانیێن سیاسییێ عێراقێ، دا كو بابهتێ زیندانی و گرتیێن سیاسی یێن هەرێمێ بێتە ڤەگوهاستن بۆ سەر دەزگەهێ فیدرالی ل بەغدا، دا ماف و مووچەیێن وان ب هەڤشێوەییێ عێراقێ لێ بێت.
د تەوەرێ سێیێ دا دێ دانوستاندن ل دۆر پشكا ئاهێن خوارنێ و قەرێن وەزارەتا بازرگانی، دانوستاندن ل سەر پێشنیارا وەزارەتا بازرگانی ل دۆر پارەیێ پشكا ئاهێن خوارنێ یا هەیڤانەیا وەلاتییان، دیتنا چارەسەرییەکێ بۆ ئاریشهیا وان پارەیێن کو ل سەر سالێن 2004 ههتا 2022ـێ کۆمبووین و نەهاتینەدان.