ناڤەندا نووچەیان – سەما
شێوەرمەندەکێ سەرۆکوەزیرێن عێراقێ ڕادگەهینت، خەلکێ شنگالێ و ڕۆژئاڤایێ نەینەوا یێن ژبەر کریارێن شەڕێ تیرۆرێ زەرەرمەندبووین دێ قەرەبوویێ وەرگرن.
د. خەلەف شنگالی، شێوەرمەندێ سەرۆکوەزیرێن عێراقێ بۆ کاروبارێن ئێزدییان، ئیرۆ ئێک شەمبوویێ 15-2-2026، د ڕاگەهاندنەکێ دا گۆت: ب پشتەڤانی و ڕەزامەندییا سەرۆکێ حکومەتا عێراقێ کاردکەین بۆ ب ڕێڤەبرن و تەمامکرنا مامەلەیێن قەرەبوو کرنا خەلکێ شنگالێ و ڕۆژئاوایێ نەینەوا و مەزاختنا وان بۆ ئەوێن ژ شایستەیی قەرەبوکرنێ نە.
شنگالی ڕۆنکر، ئەڤە مافەکێ یاسایی و مرۆڤی و پێنگاڤەکا بنەڕەتی یە بۆ دابینکرنا دادپەروەرییێ بۆ ئەوان کەسانن کو ژ بەر کریارێن تیرۆریستی زیانیانڤێکەفتی، ژ وانا ژی کەسوکارێن شەهیدان.
بەحس ل وێ چەندێ ژی کر، کار بۆ سەقامگیری و ئاڤەدانکرنا شنگالێ دکەن.
رێکخراوا داعش یا تیرۆرستی دەمێ دەست ب سەر قەزا شنگالێ دا گرتی، ئێک ژ کریارێن وان یێن هۆڤانە تالانکرن و پەقاندنا مالێن خەلکێ بوو، هەتا نوکە پتریا خەلکێ شنگالێ نەهاتینە قەرەبووکرن کو دوبارە مالێن خۆ ئاڤەدان بکەن و ڤەگەڕن.