ناڤەندا نووچەیان – سەما
وهزارهتا دارایی و ئابۆری یا حكومهتا ههرێما كوردستانێ هۆشدارييێ ددهته فهرمانبهران و ڕادگههينت، ههر فهرمانبهرهكى ههتا نۆكه خۆ ل پڕۆژێ ههژماری من تۆمار نهكری یان كارتا بانكی وهرنهگرت بت، ناڤێ وی/ێ ژ لیستا موچهیی هاتییه دهرخستن.
ئیرۆ ئێك شهمبوويێ 15ـى شوباتا 2026، وهزارهتا دارایی و ئابۆری یا حكومهتا ههرێما كوردستانێ د نڤیسارهكا فهرمی دا ئاگههدارییهكا توند ئاراستهی سهرجهم وهزارهت و فهرمانگههێن ههرێمێ كر.
ل دووڤ وێ نڤیسارا کو ئیمزا وەزیرێ دارایی ل سەرە، هاتیە دیارکرن کو ژ ڕێکكەفتی 20ـێ کانوونا دووێ 2026 و پێدا، سیستەمێ بەلاڤکرنا مووچەيی ل پارێزگەهێن هەولێر، سلێمانی و دهۆکێ ب تەمامی بوویە دیجیتالی و ئێدی ب کاش نائێتە بەلاڤکرن.
وەزارەتا دارایی لیستا ناڤێن 5750 فەرمانبەران بەلاڤکریە کو هەتا نۆکە خۆ د پڕۆژێ ‘هەژمارى من’ دا تۆمار نەکرینە یان کارتێن خۆ وەرنەگرتینە، و هۆشداری داینە وان ئەگەر ب زووترین دەم مامەلەیێن خۆ ب داوی نهئینن، دێ مووچەیێن وان ئێنە ڕاگرتن و نكارن وەربگرن.
د وێ بریارێ دا داخواز ژ وان فەرمانبەران ژی هاتیيە کرن یێن کو بەری نۆکە خۆ تۆمارکرین و کورتە نامە بۆ چۆین، بلا سەرەدانا وان بانکان بکەن یێن بۆ هاتینە دیارکرن داکو کارتێن خۆ وەربگرن، بەروڤاژی ئەو ژی دێ ژ وەرگرتنا مووچەيی بێبەهر بن.