ناڤهندا نووچهیان – سهما
شێوهرمهندێ سهرۆكوهزيرێن عێراقێ بۆ كاروبارێن ئێزدييان ڕاگههاند، كار بۆ دابهشكرنا پارچهيێن ئهردى ب سهر ڕزگاربوويێن ئێزدى ل شنگالێ دئێته كرن.
د. خهلهف شنگالى، شێوهرمهندێ سهرۆكوهزيرێن عێراقێ بۆ كاروبارێن ئێزدييان ڕاگههاند، لدووڤ ڕاسپاردهيێن سهرۆكوهزيرێن عێراقێ بۆ پشتهڤانييا ڕزگاربوويان و پێگههاندنا وان، دگهل وهزيرێ ئاڤهدانكرن و ئاكنجيكرن و باژێرڤانييان و پارێزگهها نهينهوا و ڕێڤهبرهييا كاروبارێن ڕزگاربوويان ل نهينهوا، دووڤچۆنا ڕێكارێن تهرخانكرنا 100دۆنهمێن ئهردى ل قهزا شنگالێ بۆ دابهشكرنا وان وهكو پارچهيێن ئهردى ب سهر ڕزگاربوويان دا دكهين.
ئاشكراكر: “داخوازێ ل كهسوكارێن ڕزگاربوويان دكهين داتايێن خۆ تۆمار بكهن و پێرابوونان تهمام بكهن، ههروهسا سهرۆكوهزيران رهزامهندييا خۆ نيشان دايه بۆ بهشداريكرنا خێزانێن ڕزگاربوويان د چارچۆڤێ دابهشكرنا پارچهيێن ئهردى دا.”
ناڤبرى بهحس ل وێ چهندێ ژى كر، ئهڤ پێنگاڤه سهقامگيرى و خانيێن شاسته بۆ ڕزگاربوويان دابين دكهت و هاريكاره بۆ چاككرنا زيانان و ئاڤهدانكرنێ.