ناڤەندا نووچەیان – سەما
ئیرۆ سێ شەمبوویێ 24ی شوباتا 2026، ب هاریکارییا پارێزگەها دهۆکێ هەوا کەسککرنا چیایێ ئەلقوش ب فڕۆکەیان دەستپێکر.
لارا زارا، ڕێڤەبەرا ناحیەیا ئەلقوش ڕاگەهاند، ب هاریکاری و هەماهەنگی دگەل ڕێکخراوا زیلا بۆ کاروبارێن مرۆڤی و پارێزگەها دهۆکێ و پشتەڤانی و پارەدارکرنا نەشوان جەمیل تومکا، ئێک ژ ئاکنجییێن ئەلقوش بۆ دابینکرنا پێدڤییێن تۆڤێ داران و کەلوپەلان، پڕۆژەیێ کەسککرنا چیایێ ئەلقوشێ دەستپێکر.
ئاماژە ب وێ چەندێ دا، ب ڕێیا فڕۆکەیان کو ژلایێ پارێزگەها دهۆکێ هاتینە دابینکرن دێ تۆڤێ داران ل سەرێ چیایی ئێتە بەردان، کو بۆ دەمێ دو هەفتیان ئەڤ هەوە دێ یا بەردەوام بت.
هەروەسا داخواز ل خەلکێ دەڤەرێ کرییە هەڤکار بن بۆ سەرخستنا ڤی پڕۆژەیێ دیرۆکی ل دەڤەرێ دا، بۆ هندێ ڕێژەیا کەسکاتیێ زێدە بکەن و سروشت و ژینگەهێ بپارێزن.
ناحیەیا ئەلقوش ژ 34 گوند و کۆمەلگەهان پێکدئێت و ژ ڕوویێ ئیداری ڤە سەر ب قەزا تلکێفێ ڤەیە.