ناڤەندا نووچەیان – سەما
بارەگههێ بارزانی بهلاڤكر، ئیرۆ چارشەمبوویێ، 18ـی شوباتا 2026، سەرۆک مەسعود بارزانی ل پیرمام پێشوازی ل جۆشوا هاریس ل كاربرێكەرێ بالیۆزخانا ئەمریكا ل عێراقێ كر.
د دیدارێ دا، كاربرێكەرێ بالیۆزخانا ئەمریکا ل عێراقێ تەكەزی ل سەر هندێ کر کو ئەمریکا پشتەڤانێ هەرێما کوردستانێیە د چارچۆڤێ عێراقێ دا، هەروەسا ئەمریكا ب چاڤەکێ رێزڤە تەماشەیی ڕۆلێ سەرۆک بارزانی د پرۆسا سیاسییا عێراقێ دا و ژ سالا 2003 و هەتا نوکە و د پاشەڕۆژێ ژی دا دكەت. هەروەسا دیار کر، وەڵاتێ وی دڤێت شەراكەتا ستراتیژی دگەل عێراقێ و هەرێما کوردستانێ هەبیت، دیسا پێدڤییە عێراق خودان بڕیارا خۆ بیت و بەرژەوەندییێن وێ د سەر هەموو بەرژەوەندیێن دیتر دا بن، داکو ئەمریکا بشێت پەیوەندیێن خۆ دگەل عێراقێ پێشڤە ببەت.
سەرۆک بارزانی، دیار کر ئەو هەردەم دخوازن ل عێراقێ دا یاسا و دەستوور سەروەر بن، هەروەسا پێدڤییە هەڤپشکی، هەڤسەنگی و سازان بنەمایێن سەرەکی یێن پەیوەندیێن د ناڤبەرا هەرێمێ و بەغدا دا بن. ب کارەکێ گرنگ زانی کو د حکومەتا بهێت یا عێراقێ دا، ئەڤ هەرسێ بنەمایە لبەرچاڤ بهێنە وەرگرتن و دەستوور بهێتە بجهئینان، هەروەسا دووماهی ب وێ سەرەدەرییا نەیاسایی بهێت ئەوا دگەل گەلێ کوردستانێ دهێتە کرن، ب تایبەتی د بابەتێ بودجەیی و پرسێن دیتر دا، ئەو ژی گۆت، پێدڤییە عێراق خودانا بڕیارا خۆ بیت و پەیوەندییەکا هەڤسەنگی دگەل وەڵاتێن جیران دا هەبت.
