ب هەلکەفتنا بیرەوەریا 11ی ئادارێ؛ نڤیسینگهها لالش بنکەندێ هەلمەتەکا دارچاندنێ ل گوندێ سرێچکا ئەنجامدا
تۆرا لالش
تایبەت | سرێچکا ل ژێر درووشمێ “ژینگەهەکا پاقژ و کوردستانەکا تژی کەسکاتی”، و ب هەلکەفتنا بیرەوەریێن جەژن و نهورۆزا کوردەواری و سالڤەگەرا رێککەفتنامەیا 11ی ئادارێ، نڤیسینگهها لالش بنکەندێ ب هەماهەنگی دگەل خەلکێ دەڤەرێ، چالاکییەکا بەرفرەھـ یا چاندنا داران ئەنجامدا.
پشکداری و کەسایەتی
د ڤێ هەلمەتێ دا، کو ل رێکەفتی 11/3/2026 هاتە ئەنجامدان، ژمارەکا بەرچاڤ یا کەسایەتیێن جڤاکی، رەوشەنبیر، پیر و گەنج و سەرجەم تەخ و چینێن جودا یێن گوندێ سرێچکا و دەوروبەر پشکدار بوون، پشکداربوویان ب گیانەکێ نشتیمانی ڤە دەست ب چاندنا داران کر ژ پێخەمەت جوانکرنا سیماێ گوندی و پاراستنا ژینگهها دەڤەرێ.
گرنگیا ژینگههێ و بههارێ
د پەیامەکێ دا، رێڤەبەرێن چالاکییێ دیار کر کو هەلبژارتنا ڤی دەمی دگەل دەستپێکا وەرزێ بهارێ و جەژنێن ئادارێ، ئاماژەیەکە بۆ نووژەنبوونا ژیانێ و گرنگیدان ب ژینگەهێ، هاتە راگەهاندن کو ئەرکێ هەر تاکەکی یە یێ جڤاکی پاراستنا کەسکاتیێ ب ئەرکێ خۆ بزانن، دا کو نەوەیێن پاشەرۆژێ د ژینگەیەکا ساخلەم و پاك دا بژین.
پەیاما نڤیسینگهها لالش
نڤیسینگهها لالش بنکەندێ دوپات کر کو ئەڤ چالاکییە بەشەکە ژ زنجیرە چالاکییێن وان یێن جڤاکی و نشتیمانی، و ئارمانج ژێ زێدەکرنا رێژەیا کەسکاتیێ یە ل دەڤەرێ، و خزمەتکرنا سروشتێ کوردستانێ.
