سهما – كۆمهلگهها شێخكا
د چارچۆڤێ گرنگیدان ب ژینگههێ و پاراستنا سروشتى، ئیرۆ ڕۆژا پێنجشهمبوویێ ڕێكهفتی 19/3/2026ێ، كۆمهكا گهنجێن كۆمهڵگهها شێخكا د ههوهكا خۆبهخشانه دا رابوون ب چاندنا نێزیكی 160 داران ل دهوروبهرێن مهزارگههێ (ئێزدین ئهمیر).
خدر حهیدهر مجێورێ كۆمهلگهها شێخكایه د لێدوانهكا تایبهت دا بۆ سهما دادیاركرن: ئهڤ ههوه كو ب پشکداریا ههموو تهخ وچینێن جودا یێن كۆمهڵگههێ ژ گهنج، زارۆك و كهسێن ب تهمهن هاتبوو رێكخستن، ئارمانج ژێ زێدهكرنا رێژهیا كهسكاتیێ و جوانكرنا سیمایێ ئهوێن جهێن پیرۆزه.
دیارژی كر: ئهندامێن ڤێ ههوێ ئاماژه ب وێ چهندێ كر كو ئهڤ پێنگاڤه دێ بهردهوام بت و د رۆژێن بهێت دا دێ هژمارهكا زێدهتر یا داران ل دهڤهرێ هێنه چاندن.
سهبارهت ئاڤدان و پاراستنا ڤان داران، گهنجێن دهڤهرێ دوپات كر كو ئهو ب خۆ دێ چاڤدێریێ لێ كهن و بۆ ڤێ مهبهستێ ژی چهند تهنكهرێن ئاڤێ هاتیه ئامادهكرن دا كو ب شێوهیهكێ بهردهوام بهێنه ئاڤدان.
مجێوری گۆت: د ئاینێ ئێزدیان دا دار و سروشتی رێزهكا تایهبت ههیه، لهورا ههلبژارتنا دهوروبهرێن مهزارگههێ “ئێزدین ئهمیر” وهك پهیامهكێ بوو بۆ گرێدانا دۆستایهتیا مرۆڤی دگهل ژینگههێ و پاراستنا وان جهێن كو ل جهم خهلكێ دهڤهرێ ب پیرۆز دهێنه ناسین.