ناڤەندا نووچەیان – سەما
تەمامیا پارەیێ مووچەیێ هەیڤا دوو هاتە سەر هژمارا بهنكى يا وەزارەتا دارایی یا هەرێما کوردستانێ.
وەزارەتا دارایی و ئابۆری یا حكومهتا ههرێما كوردستانێ د ڕاگههاندنهكێ دا دياركر، ئيرۆ دووشەمبوويێ، 9ـی ئادارا 2026، كوژمێ (295) ملیار و (405) ملیۆن دیناران وەکو داوى كوژمێ تەمویلا مووچەیێ ههيڤا شوباتێ (2) يێ فەرمانبەر و مووچەخۆران كهفته سەر هەژمارا بهنکی يا وەزارەتێ ل لقێ هەولێرێ یێ بانکا ناڤەندی يێ عێراقێ.
ب گۆڕهيى ڕاگههاندنێ، هەر ئيرۆ دووشەمبوويێ؛ پشتى تەمامكرنا رێکاران و وەرگرتنا دراڤى ل لقێ هەولێرێ یێ بانکا ناڤەندی يێ عێراقێ، خشتەیێ مووچەيى دێ ئێته ڕاگههاندن و دەست ب دابەشکرنا مووچەى ئێته كرن.
وەزارەتا دارایی و ئابۆری ڕۆنكر، بۆ ڤێ ههيڤێ ژى، وەزارەتا دارایی يا حکومەتا فیدڕال كوژمێ 16 ملیار و 107 ملیۆن و 881 هەزار دینار ژ تەمویلا مووچەیى ههيڤا شوباتێ نه هنارتينه كو کو شایستە داراییێن ههیڤێن چووی یێن خانەنشینێن شارستانی و سەربازینە.