ناڤەندا نووچەیان – سەما
پارێزگارێ دهۆکێ سهرهدانا بهنداڤا دهۆكێ كر و ڕاگههاند، كێمتر ژ مێتهرهكێ مايە بهنداڤ تژى بت و ب سهر دا بچت.
ئيرۆ ڕۆژا دووشەمبوويێ 30ـى ئادارا 2026، د. عەلی تەتەر، پارێزگارێ دهۆکێ ب ئامادەبوونا فەرهاد محەمەد تاهر، ڕێڤەبەرێ بهنداڤا دهۆکێ و ستافێ ڕێڤەبەریيێ سەرەدانەکا مەیدانی بۆ بهنداڤا دهۆکێ ئەنجامدا ب مەرهەما هایداربوون ل سەر ڕەوشا وێ و کۆمڤهبوونا ئاڤێ پشتی پێلێن بارانبارینا ڤێ داویيێ.
پارێزگارێ دهۆکێ دیارکر، د ئيسالە دا ب ئەگەرێ بارانێن زۆر بهنداڤێ ناڤبری 22 ملیۆن مەترێن موکەعەب یێن ئاڤێ وەرگرتینە و بتنێ 95 سانتیمەتر ماینە تژى بت و ب سهر دا بچت، ژبۆ پاراستنا گیانێ وهلاتیيان ئالييێن پەیوەندیدار هاتنە ڕاسپاردن ب زوترین دەم دەست ب ڕاکرنا هەموو وان بەرمایک و گلێشێن ب ئەگەرێ لههيان هاتینە خوار بکەن دا کو ل دەمێ سەرڕێژبوونا بهنداڤێ نەئێنە د ناڤ سەنتەرێ باژێری دا.
د پشکەکا دی یا ئاخفتنا خۆ دا د. عەلی تەتەر بەحسێ ڕەوشا ئەمنی یا گشتی کر و ڕاگەهاند، هەرێما کوردستانێ بەشەک نینە ژ ڤان ئاڵۆزیان و ب مخابنی ڤە هندەک گرۆپێن تیرۆرستی بزاڤێن تێکدانا سەقامگیریا هەرێمێ ددەن و دوپاتی ل سەر وێ یەکێ کر کو پێدڤیيە هەموو وەلاتی و دەزگههێن ڕاگەهاندنێ پێگیریيێ ب ڕێنمایێن سلامەتیا گشتی یێن حکومەتا هەرێما کوردستانێ بکەن دا کو ئێمناهييا دەڤەرێ يا پاراستی بت.