ناڤهندا نووچهیان – سهما
پڕۆفیسۆر سەعید خديدا عەلۆ، جێگرێ سهرۆكێ بنگههێ لالش و سەرۆکێ کۆنفرانسێ نێڤدەولەتی یێ چارەمین یێ کۆلێژا زانستێن مرۆڤایەتی ل زانکۆیا دهۆکێ، بۆ ناڤهندا نووچهیێن سهما ڕاگەهاند کو بڕیار هاتە دان دەمێ وەرگرتنا ڤەکۆلینێن زانستی بۆ کۆنفرانسی بۆ دەمێ ١٠ رۆژێن دی بهێتە درێژکرن.
گۆتژی، ئەڤ کۆنفرانسە یێ کو ب هەڤکاری دگەل بنگەهێ لالش یێ رەوشەنبیری و کۆمەلایەتی و سەنتەرێ بێشکچی یێ ڤەکۆلینێن مرۆڤایەتی ل ژێر ناڤ و نیشانێن (جینۆسایدا ئێزیدیان ٢٠١٤ د ناڤبەرا بیرەوەر و دادپەروەریێ دا) ل رۆژێن ٢٩ و ٣٠ نیسانا ٢٠٢٦ ل زانکۆیا دهۆکێ دێ هێتە ئەنجامدان.
دیارژی كر، لژنا زانستی زێدەتر ژ ٢٠٠ کورتەڤەکۆلین (Abstract) وەرگرتینە، و هەتا نوکە نێزیکێ ١٠٠ ڤەکۆلین ب تەمامی گەهشتینە دەستێ لیژنێ و ژبەر داخوازا ڤەکۆلەران و هەڤدەمیا جەژن و هەلکەفتێن نەتەوەیی و ئایینی، بڕیار هاتە دان دەلیڤەیەکا زێدەتر ب ڤەکۆلەران بهێتە دان.
تێ زانین پشتی کو بڕیار بوو ١٥ی ئادارا ٢٠٢٦ دوماهی ژڤان بت، دەم هاتە درێژکرن و رۆژا ٢٥ی ئادارا ٢٠٢٦ دێ بتە دوماهی رۆژ بۆ وەرگرتنا ڤەکۆلینێن تەمام.
ئەڤ کۆنفرانسە وەک هەولەکا زانستی و نێڤدەولەتی دهێتە هەژمارتن بۆ پتر دیارکرنا راستیێن جینۆسایدا ئێزیدیان و دەستەبەرکرنا دادپەروەریێ بۆ قوربانیان.