ناڤهندا نووچهیان – سهما
پشتی دەمەکی ژ کێشە و ئاریشەیێن دابینکرنا ئاڤێ، خەلکێ کۆمەڵگەها شاریا مژدەکا خۆش پێگەهشت و پڕۆسەیا گەهاندنا ئاڤێ بۆ مالێن وەلاتییان ئاسایی بووڤە، ئەڤ پێشڤەچوونە پشتی وێ چەندێ هات کو پڕۆژەیێ ستراتیژی یێ ئاڤا فەیدیێ دووبارە دەست ب کار بوویە و ئاستێ بەرهەمهێنانا ئاڤێ زێدەبوویە.
حکمەت ڕەشید، ئێک ژ کارمەندێن دابەشکرنا ئاڤێ ل کۆمەڵگەها شاریا، د لێدوانەکێ دا بۆ کەناڵێ سەما ڕاگههاند: “خۆشبەختانە پڕۆژەیێ ئاڤا فەیدیێ دووبارە کەفتییە د خزمەتێ دا، کو ئەڤ چەندە بوویە ئەگەرێ بلندبوونا ڕێژەیا ئاڤێ ب ئاوایەکێ بەرچاڤ”، نۆکە رۆژانە ئاڤ ب سەر وەلاتییان دا دهێتە بەردان و کێشەیا کێمییا ئاڤێ ب دووماهی هاتییە.
دەربارەی بەردەوامیا ڤێ پڕۆسەیێ، ناڤبری دیار کر کو هەتا رادەیەکی بەردانا ئاڤێ گرێدایی هەبوونا کارەبا نیشتیمانییە، ئەگەر کارەب ب شێوەیەکێ ئاسایی هەبت، دابەشکرنا ئاڤێ چو گۆڕانکاری و گێرۆبوونێ ب خۆ ڤە نابینت و وەلاتی دێ ب بەردەوامی مفادار بن.