تۆرا لالش
ب هەلکەفتا هاتنا جەژنا سەرسالا ئێزدیان، بنگەهێ لالش تایێ سنوونێ و نڤیسینگەهێن ب سەر ڤە، رابوون ب ئەنجامدانا کەمپینەکا خێرخوازی یا دابەشکرنا هاریکاریێن خێرخوازی ل بۆ خێزانێن کێم دەرامەت (كهمپان – ژ دهرڤهی كهمپان – و ل شنگالێ).
ئەڤ چالاکییە بۆ ماوێ سێ رۆژان یێن بەری جەژنێ ڤەکێشا، تێدا هاریکاریێن ئەرزاق و پێدڤیێن خوارنێ ب سەر زێدهتر ژ ٤٠٠ خێزانان دا هاتنە دابەشکرن، ئەڤ دابەشکرنە هەموو دەڤەرێن ناحییا سنونێ و هەروەسا ئاوارێن شنگالێ ل خۆ گرتن و رۆژا سێشەمێ، ١٤ـێ نیسانا ٢٠٢٦ـێ، ب داوی هات.
بنگەهێ لالش ئاماژە ب وێ چەندێ کر کو دابینکرنا ڤان هاریکارییان ب هەماهەنگی بوویە، د ڤی واریدا بنگەهی سوپاسیا “دەزگەهێ خێرخوازیێ بارزانی” کر کو پتر ژ ٢٠٠ کارتۆنێن ئەرزاقی پێشکێشی بنگەهی کربوون، داکو ب سەر خێزانێن کێم دەرامەت دا بهێنە دابەشکرن و پشکەک بن ژ کێمکرنا بارێ گرانیێ ل سەر ملێن خەلکێ دەڤەرێ د ڤێ هەلکەفتێ دا.