تۆرا لالش
ل رۆژا ئینیێ، رێكهفتى 10/4/2026ێ، سهعید جردۆ، سهرۆكێ بنگههێ لالش، پێشوازی ل بنهمالا شێخ نابۆ كر، كو ژ ئێزیدیێن رۆژئاڤایێ كوردستانێ نه و ل وهلاتێ ئهلمانیا دئاكنجینه.
ژ بۆ ژ نێزیك هایداربوون ل سهر رۆل و كار و چالاكیێن بنگههێ لالش یێ رهوشهنبیری و جڤاكی، و كارتێكرنا وی د ناڤ جڤاكێ ئێزیدیدا، ئهڤێ بنهمالێ سهرهدانا بنگههی كر.
د روونشتنێ دا، ههردو ئالیان گهنگهشه ل سهر چهند خالێن سهرهكی كرن ژوانژی گرنگیا بنگههی د پاراستنا كهلهپۆر و ناسنامهیا ئێزیدیان دا و ههروهسان بارودوخ و ژیانا ئێزیدیێن سوریا و ئاریشهیێن وان وهكو تهوهرهكێ گرنگ یێ دانوستاندنان هاته بهحسکرن.
سهعید جردۆ، سهرۆكێ بنگههێ لالش، دووپاتكر كو بنگههێ لالش ههردهم بهرههڤه بۆ ههر ههماههنگی و پشتهڤانیهكا رهوشهنبیری و جڤاكی بۆ ئێزیدیان، ل ههر جههكێ جیهانێ بن.