تۆرا لالش – ئێسیا
ل ژێر رۆناهیا هەلکەفتنا پیرۆزا جەژنا سەرێ سالا ئێزدیان، نڤیسینگەها لالش ل ئێسیا رۆژا شەمبوویێ، رێکەفتی 11/4/2026، بەریکانەکا زانستی و رەوشەنبیری بۆ کۆمەکا قوتابی، گەنج و ئافرەتێن دەڤەرێ رێکخست.
ئەڤ چالاکیە ب ئامادەبوونا مێهڤانێن رێزدار (ميران صباح) کارگێرێ لژنا ناوچا باعەدرێ و بەرپرسێ بەشێ جەماوەری، و (زانا حەسەن ئەلیاس) کارگێرێ لژنا ناوچا (باعەدرێ-ئەتروش) یا ئێکەتیا قوتابیان و لاوان، دگەل ژمارەکا بەرچاف ژ رەوشەنبیر، مامۆستا و خەلکێ دەڤەرێ ب رێڤەچوو.
دڤێ بەریکانێدا (75) کەسێن جودا بەشداربوون، کو دناڤ (25) گروپێن سێ کەسی دا هاتبوونە دابەشکرن، ئەڤێ چەندێ ژی رەنگەکێ هەڤرکیا زانستی یا چالاک دناڤبەرا پشکداران دا دروستکر.
ل دوماهیکێ، دەستخۆشی ل هەمی پشکداران هاتە کرن ژ بەر بزاڤێن وان یێن دیار د چالاکیێدا، و گروپێن سەرکەفتی یێن پلەیێن ئێکێ، دووێ و سیێ ب خەلاتێن تایبەت هاتنە رێزلێنان و خەلاتکرن.