ناڤەندا نووچەیان – سەما
ئيرۆ چارشەمبوويێ، 8ـى نیسانا 2026، سەرۆک بارزانی پەیامەک د پلاتفۆڕما (X) دا بەلاڤکر و ڕاگەهاند؛ پشتی ڕاگەهاندنا ئاگربەستێ د ناڤبەرا ئەمریکا و ئێرانێ دا، هیڤییەکا مەزن پەیدا بوویە کو ئەڤ پێنگاڤە ببتە دەستپێکەک بۆ ب دەستڤەئینانا ئاسایيش و بەختەوەریيێ بۆ ب داوی هاتنا ئێکجاری یا وان کێشەیێن ل دەڤەرا مە هەین، چنکو هەردەم بژاردەیا ئاشتیيێ باشتر و پێشترە ژ مالوێرانییێن شەڕی.
دەقێ پەیاما سەرۆک بارزانى بۆ ئاگربەستا ئەمریکا و ئیرانێ:
“هیڤیدارین ئەڤ ئاگربەستا د ناڤبەرا ئەمریکا و ئێرانێ دا ئاشتییەکا بەردەوام، و ئاسایيش و بەختەوەریيێ بۆ دەڤەرا مە ب دەست ڤە بینت و ببیتە دەستپێکەک بۆ ب داوی هاتنا ئێکجاری یا وان کێشەیێن د دەڤەرا مە دا هەین. بێگۆمان، هەردەم ئاشتی باشترە ژ شەڕی.”