ناڤەندا نووچەیان – سەما
ئیرۆ ئێک شەمبوویێ، ب هەلکەفتا جەژنا “الدهفة ديمانا” میرێ ئێزدییان پیرۆزباهییا جەژنێ ل خوشک و برایێن سابیئەیێن مەندائی کر.
میر حازم تەحسین بەگ، میرێ ئێزدییان ل کوردستان، عێراقێ و جیهانێ و سەرۆکێ جڤاتا ڕۆحانی یا بلند یا ئێزدییان، د پەیامەکێ دا ڕاگەهاند: ئەڤ جەژنە دەرفەتەکا گرنگە بۆ نووکرنا پەیمانێن مرۆڤایەتی و موکمکرنا پهیوهندییێن کۆمەڵایەتی و ڕۆحانی.
میری د پەیاما خۆ دا گۆت: “هیڤیخوازین هەموو ڕۆژێن خوشک و برایێن مە سابیئەیێن مەندائی د خێر، ئاشتی و تەناهییێ دا بن. ئەم ڤێ جەژنێ ب دەلیڤە دزانین بۆ بهێزکرنا حەزژێکرن و تەبایییێ، و ئاڤاکرنا پرێن ئاشتییێ د ناڤبەرا هەموو پێکھاتێن وەلاتی دا.”
هەروەسا میرێ ئێزدییان خواست ئەڤ جەژنە ببیتە سەدەمێ خێر و بەرەکەتێ بۆ هەموویان.
جەژنا “الدهفة ديمانا” ژ جەژنێن پیرۆز یێن سابیئەیێن مەندائی یە، و هەر سال ب ڕێز و تایبەتمەندی ڤە دئێتە کرن.