ناڤهندا نووچهيان – سهما
وەزارەتا ساخلهمييێ یا حکومەتا هەرێما کوردستانێ ڕاگەهاند، حالەتەکێ تووشبوونێ ب نەخۆشیا تایا خوونبەربوونێ ل باژارێ دهۆکێ هاتیيە دەست نیشان کرن کو زهلامهكێ تەمەن 47 سالى و خەلکێ پارێزگەها نەینەوا یە.
ڕۆژا چارشەمبێ، 3ی حوزەیرانا 2026، وەزارەتا ساخلهمييێ یا هەرێما کوردستانێ د بەیاننامەیەکێ دا ڕاگەهاند، تووشبووی زهلامهكێ ئاكنجييێ كۆمهلگهها “دووگرێ” یە ل ناحیهيا سنوونێ یا سەر ب قەزا شنگالێ ڤە ل پارێزگەها نەینەوا. ناڤبری پشتی کو چەندین جاران سەرەدانا نەخۆشخانەکان کری، پاشان بەرێ خۆ دایە باژارێ دهۆکێ و ل وێدهرێ ژ لایێ ساخلهمييا دهۆکێ ڤە پشکنین بۆ هاتینە کرن و تووشبوونا وی ب نەخۆشیيێ هاتە پشت ڕاست کرن.
وەزارەتا ساخلهمييێ ئاماژە ب هندێ کریيە کو ئەو زهلامه پیشهيا وی شڤانە و بەڕکەفتن دگەل ئاژەلێن تووشبوويى هەبوویە. نهۆ تووشبوویى د بن چاڤدێریيەکا توند یا پزیشکی دایە و چارەسەریيێ وەردگرت، لێ بارێ وی یێ ساخلهمييێ ب “نەجێگیر” هاتیيە وەسف کرن.
وەزارەت داخوازێ ژ وەلاتیيان دکەت کو پابەندی ڕێنمایێن ساخلهمييێ ببن، و د دەمێ هەستکرن ب هەر نیشانەکا نەساخلەم یان بوونا گۆمانێ ل سەر ئاژەلێن خۆ، د زووترین دەم دا تیمێن ڤێتێرنەری و نەخۆشخانەکان ئاگەهدار بکەن.
ئەڤە ئێكەمین حالەتێ پشت ڕاستکرييه یێ تایا خوون بەربوونێ کو د ئەڤ سالە دا ل هەرێما کوردستانێ بێتە تۆمارکرن.