پرۆژێ ستراتیژی یێ وه‌رگرێ ئاڤا خانكێ هاته‌ ڤه‌كرن

ناڤه‌ندا نووچه‌يان – سه‌ما

قۆناغا ئێكێ یا پڕۆژێ ستراتیژی یێ وه‌رگرێ ئاڤا خانكێ ل سه‌ر بودجێ پارێزگه‌ها دهۆكێ و ب سه‌رپه‌رشتیيا ڕێڤه‌به‌ریيا ئاڤا ده‌وروبه‌را هاته‌ ڤه‌كرن.

ئيرۆ ئێك شه‌مبێ، 15ـى حوزه‌يرانا 2026، ب ئاماده‌بوونا د.عه‌لی ته‌ته‌ر، پارێزگارێ دهۆكێ و د.نه‌وزاد عه‌بدوللا، به‌رپرسێ لقێ ئێك یێ پارتی دیمۆكراتی كۆردستان و دژوار شه‌وكه‌ت، ده‌ڤه‌ردارێ سێمێلێ و هژماره‌كا به‌رپرسێن داموده‌زگایێن جودا، قۆناغا ئێكێ یا پڕۆژێ ستراتیژی یێ وه‌رگرێ ئاڤا خانكێ ل سه‌ر بودجێ پارێزگه‌ها دهۆكێ و ب سه‌رپه‌رشتیيا ڕێڤه‌به‌ريیا ئاڤا ده‌وروبه‌را هاته‌ ڤه‌كرن.

پرۆژه‌ پێكدئێت ژ پره‌كێ ب درێژاهیيا 260م و ب بلنداهیيا 4م دگه‌ل ئه‌نتیكه‌یه‌كێ ب درێژاهیا 13.5م و ب بلنداهیا 24م كو 3400مترێن سێجار یێن ئاڤێ د ده‌مژمێره‌كێدا به‌رهه‌م د ئینت و دێ پێدڤیيێن ئاڤێ بۆ هژماره‌كا زۆرا خه‌لكێ ده‌ڤه‌رێ ب شێوه‌یه‌كى ساخله‌م دابین كه‌ت.

پارێزگارێ دهۆكێ د كۆنگره‌يه‌كێ ڕۆژنامه‌ڤانی دا سوپاسیا مه‌سرو بارزانی، سه‌رۆكێ حكومه‌تا هه‌رێما كۆردستانێ كر كو سه‌ره‌رایى قه‌یرانێن دارایی و فشارێن ل سه‌ر حكومه‌تێ به‌رده‌وامی ب جێبه‌جێكرنا هه‌موو جۆرێن پڕۆژێن خزمه‌تگۆزاری دایه‌ و بوو ده‌ڤه‌ردارییا سێمێلێ 172پڕۆژه‌ هاتینه‌ جێبه‌جێكرن، ژوان ژی 128 پڕۆژه‌ كه‌ڤتینه‌ د خزمه‌تا گشتی دا و كار ل سه‌ر 44 پڕۆژه‌یان به‌رده‌وامه‌.

ديار ژى كر، د قۆناغا ئێكێ یا ئه‌ڤی پڕۆژه‌یى دا ئاڤ دێ بۆ ناحيه‌يا خانكێ ئێته‌ دابینكرن و د قۆناغا دوویێ دا چه‌ندین ده‌ڤه‌رێن دی دێ مفادار بن.