ناڤەندا نووچەیان – سەما
مووچەیێ مامۆستایێن گرێبەست و پشکەک ژ فەرمانبەرێن هەردەمی و گرێبەست دێ ئێتە بەلاڤ کرن.
ئیرۆ پێنجشەمبێ، 18ی حوزەیرانا 2026، وەزارەتا دارایی و ئابۆری یا حکومەتا هەرێما کوردستانێ د ڕاگەهاندنەکێ دا ژڤانێ بەلاڤکرنا مووچەیێ مامۆستایێن گرێبەست و پشکەک ژ فەرمانبەرێن هەردەمی و گرێبەست ڕاگەهاند.
ب گۆڕەیی ڕاگەهاندنێ، ڕۆژا ئێکشەمبێ، (21ی حوزەیرانێ تا ڕۆژا پێنجشەمبێ، 25ی حوزەیرانا 2026ێ) مووچەیێ مەها ئەیارێ یێ مامۆستایێن گرێبەست یێن وەزارەتا پەروەردێ و خواندنا بلند و ڤەکۆلینێن زانستی و هەموو ئەو فەرمانبەرێن گرێبەست دێ ئێتە بەلاڤکرن ئەوێن کو تەمویلا وان ل سەر داهاتێ ناڤخۆیە.
ئاماژە ب هندێ ژی کر، د هەمان دەم دا مووچەیێ مەها ئەیارێ یێ هەموو ئەو فەرمانبەران دێ ئێتە بەلاڤکرن ئەوێن کو پشتی ڕێککەفتی (1-7-2024)ێ ب شێوەیێ گرێبەست و هەردەمی ل سەر میلاکێ دامودەزگەهێن حکومەتا هەرێما کوردستانێ هاتینە دامەزراندن، کو شایستەیێن وان یێن دارایی ل سەر داهاتێ ناڤخۆ یێ هەرێما کوردستانێ دئێنە مەزێخستن.