ناڤهندا نووچهيان ــ سهما.
ب ههلكهفتا هاتنا جهژنا ڕۆژييێن چلهيێ هاڤينێ، گهرمترين و جوانترين پيرۆزباهييان ئاراستهى جڤاكا ئێزدى و ههموو (چلهگرا) دكهين و هيڤيدارن جهژنهكا ئارام و تهنا دهرباز بكهن.
ژ خودايێ دلۆڤان دخوازين؛ ڕۆژى و دوعايێن وه قهبوول بكهت و جهژنا خێر و بهرهكهت و بهختهوهرى و خۆشييێ بت بۆ تهڤايا ئێزديان ل ههرێما كوردستانێ، عێراقێ و جيهانێ و ههموو مرۆڤاتييێ و هەردەم پێكڤهژيانا ئۆلى د ناڤ ههموو پێكهاتهيێن ههرێما كوردستانێ دا بهێزتر ببت.
ئهڤ جهژنه ههڤدهمه ل گهل يادا خهمگين يا بيرهوهرييا دوازدهيێ يا سالڤهگهڕا جينۆسايدا ئێزدييان، ههر بڤێ ههلكهفتێ هيڤيخوازين ڕهوشا شنگالێ ئارامى و تهناهييێ بخۆ ڤه ببينت و ئاوارهيێن ئێزدى ب سهربهرزى ڤهگهرنه دهڤهرێن خۆ.
چلهيێ هاڤینێ ل (24)ی خزيرانێ دەست پێ دكهت وهەتا (2)ی تەباخێ ب هژمارا زایینی، ئانكو (40) ڕۆژن وەكی دیار ئەڤ جەژن ب دەمی ڤە یا گرێدایە، دڤان ڕۆژێن گەرم و درێژ دا زەلامێن ئۆلی و هەر ئێزدیەكی بڤێت چل ڕۆژيیان بۆ خودێ دگرت و ڕێورهسمێن ڤێ جهژنێ ل پهرستگهها لالش يا پيرۆز دئێنه كرن.
دوباره جهژنا وه پيرۆز بت، ههر سال ب خێر و خۆشى بكهن.
سعود مستۆ نجم
رێڤهبهرێ گشتى يێ كاروبارێن ئێزدييان