ناڤەندا نووچەیان – سەما
گەنجێ ئێزدی دارا عەلی حاول، کو هەلگرێ باوەرنامەیا ماستەرێ یە ب زانستێن سیاسی ل زانکۆیا برێمن، دێ پشکداریيێ د هەلبژارتنێن جڤاتا باژێرڤانييان ل باژێرێ ئۆلدنبۆرك ل هەرێما نیدەرزاکسن ل ئەلمانيا کەت.
بڕياره ل 13-9-2026، هەلبژارتنێن جڤاتا باژێرڤانييان ل باژێرێ ئۆلدنبۆرك ب ڕێڤهبچن.
عەلی حاول كو بابێ بەربژار دارايى يه بانگهوازييهك دايه بۆ ئەندامێن ڕەڤەندا کوردی و جڤاکێ ئێزدی و ئەو کەسێن مافێ دەنگدانێ هەی، کو ب گەرمی پشکداریيێ د هەلبژارتنێن خوهجهى دا بکەن و مافێ خۆ یێ دیموکراتی بکاربینن.دوپاتى ل سەر گرنگیيا پشتهڤانیکرنا بەربژاركرنا وی کر دا کو نوونەراتیيا جڤاکى بکەت و داخوازیێن وان ب گەهینت، کو د سەری دا دۆسەیێن ئاکنجیبوون، پەنابەری و دوورکەڤتن ژ مەترسیيێن ڤەگوهاستنا ب زۆری (دیپۆرتکرن)ێ.
بۆ زانين بەربژار دارا عەلی حاول، خەلکێ ناحیهيا خانکێ یە ل پارێزگەها دهۆکێ ل هەرێما کوردستانێ، مالباتا وی بەری چەند دەهـ سالان کۆچبهری ئەلمانيا بووینە.
ئەڤ گەنجه کوڕێ خەباتکار عەلی حاول بەکۆیە، ئەوێ دژی ڕژێما بەعس خەبات کری و پشکداری د بەرسینگگرتنا سیاسهتێن وان یێن زۆردارانە دا کری.