ناڤهندا نووچهيان – سهما
بنگههێ لالش ل دهۆكێ، د ڕێورهسمهكا تايبهت دا دێ بيرهوهرييێن هناڤ ههژين يێن كۆمكوژييا گوندێ کۆچۆ، گرعزێر و سيبا شێخدرێ ل بيرئينت.
ل 14-8-2007 تيرۆرستان چار بارههلگرێن مينرێژكرى د ناڤا خهلكێ گرعزێر و سيبا شێخدرێ دا پهقاندن، كو ب سهدان وهلاتييێن بێگونههـ هاتنه كوشتن و بتر ژ ههزار كهسان برينداربوون.
ههروهسا ل 15-8-2014ێ تيرۆرستێن داعش، پشتى پازده ڕۆژان خهلكێ گوندێ كۆچۆ دوورپێچكرين، كۆمكوژى د دهرههقێ ئهواندا ئهنجام دا.
ئيرۆ چارشهمبێ، 12ـى تهباخا 2026، سهعيد جردۆ، سهرۆكێ بنگههێ لالش ل دهۆكێ بۆ سهما دياركر، سبهى ڕۆژا پێنجشهمبێ 13-8-2026، ل دهمژمێر 10ـى سبێ ل بارهگههێ بنگههێ لالش ل دهۆكێ، بيرهوهرييێن هناڤ ههژين يێن كۆمكوژييا گوندێ کۆچۆ، گرعزێر و سيبا شێخدرێ ب چهندين چالاكييان دێ ئێنه ساخ كرن.
سهرۆكێ بنگههێ لالش دبێژت: د ڕێورهسمان دا پهيڤا بنگههێ لالش، حكومهتا ههرێما كوردستانێ و كهسوكارێن قوربانييان و چهندين چالاكى دێ ئێنه پێشكێشكرن و پيشاندان، ئهڤ چالاكييا ماتهمينى وهكو ڕێزگرتن بۆ گيانێ پاكێ جانگۆڕييێن كۆمكوژييێ وكهسوكارێن قوربانيانه.
بهحس ل وێ يهكێ ژى كر، مەبەستا مە ل بنگەهێ لالش نە بیرئانین بتنێ یە، بەلکو مە دڤێت جهێن پەیوەندیدار گاڤێن خۆ پاڤێژن بۆ بجهئينانا دادپەروەرييێ و بڕينێن قوربانييان دهرمان بكهن و مافێن كهسوكارێن قوربانييان بێنه گهرهنتيكرن.
سالانه بنگههێ لالش ل دهۆكێ، بيرهوهرييێن كۆمكوژييا گوندێ کۆچۆ، گرعزێر و سيبا شێخدرێ ب چهندين چالاكييان ساخ دكهت.