ناڤەندا نووچەیان – سەما
شاندەکێ دەزگەهێ (LDS) یێ ئەمریکی ب سەرپەرشتیا ئێدوارد ڕۆو، بەرپرسێ دەزگەهی ل ڕۆژهەلاتا ناڤین، ب مەبەستا گوتۆبێژکرنا رهوشا ئاوارەیان ل کەمپا شاریا ل سنوورێ پارێزگەها دهۆکێ، سەرهدانا کەمپێ کر و ژ لایێ نوونەرێ دەزگەهێ خێرخوازی يێ بارزانی و کارگێڕیا کەمپێ ڤە ب گەرمی پێشوازی لێ هاتە کرن.
ئەڤ سەرهدانە ب هەماهەنگی ل گەل دەزگەهێ خێرخوازی يێ بارزانی هاتە ئەنجامدان و ئارمانجا سەرەکی ژ نێزیک ئاگەهداربوون بوو ل سەر رهوشا ئاوارەیان و دەستنیشانکرنا پێدڤی و ئاریشەیێن سەرەکی یێن ئاکنجییێن ناڤ کەمپێ.
دەزگەهێ خێرخوازی يێ بارزانی ئاماژه ب هندێ كر، ل دەمێ سەرهدانێ دا، رهوشا ژیان و پێدڤییێن ئاوارەیان هاتنە گوتۆبێژکرن و تهكهزى ل سەر گرنگیيا بەردەوامبوونا هەماهەنگی و پشتهڤانيیا مرۆڤی بۆ باشترکرنا ژیانا وان هاتە کرن.
ديار ژى كر، ئەڤ جۆرە سەرهدان و هەماهەنگییە پێنگاڤەکا گرنگن بۆ گەهشتنێ ب تێگەهشتنەکا ڕاستەوخۆ ژ پێدڤییێن ئاوارەیان و دانانا بەرنامە و پروژەیێن گونجای بۆ پشتهڤانى و خزمەتکرنا وان، کو ل ڤی بواری دا هەردو دەزگەهێن خێرخوازی يێ بارزانی و دەزگەهێ (LDS) یێ ئەمریکی ماوهيێ چەندین سالانە کارێ پێكەڤەیی و پرۆژەیێن هەڤپشک بۆ خزمەتکرنا مرۆڤاتیيێ هەنە.