ناڤەندا نووچەیان – سەما
خەلکێ ڕۆژئاڤایا سەنتەرێ شنگالێ، ب تایبەت ئاکنجییێن تاخێ نەسر و ئالییێ ڕۆژئاڤا، داخوازا دەستتێوەردانا بلەز دکەن بۆ ڕاگرتنا سۆتنا بەرمایکێن گلێشی، کو دیکۆل و ژەهر ژێ پەیدا دبت و ژیانا ئاکنجییێن دەڤەرێ ئێخستییە د مەترسییێ دا.
د ڤى وارى دا، چالاکڤان و گرنگیپێدەرێ کاروبارێن شنگالێ “زێدان کاکو” ئەڤ چەندە بەلاڤکرییە: “ئەم وەک خەلکێ تاخێ نەسر و دەڤەرا ڕۆژئاڤایا سەنتەرێ قەزا شنگالێ دێ بەرەڤ سەدان نەخۆشیا چین، ژ بەر هەلبژارتنا شاش یا جھێ هاڤێتن و سۆتنا بەرمایکێن گلێشی.”
ئەڤ هاوارا خەلکێ بۆ ڕاگرتنا ڤێ دیاردا بێسەروبەرە، وەکی وەلاتیەکێ شنگالێ ب دلگرانى ڤە دبێژت: “چو نەما.. و ئەم هەموو تووشی تەکنەفەسێ بووین.”
رۆژ بۆ ڕۆژێ، چالاکڤانێن ئێزدى ل شنگالێ بەردەوامن ل سەر ئاڕاستەکرنا هاوارێن بلەز بۆ ڕاگرتنا ڤێ دیاردێ و دیتنا بەدیلەکێ ساخلەم و ژینگەهى بۆ ڤى جھێ نهۆ.