ناڤه‌ندا نووچه‌يان – سەما
ل سەر راسپاردێن د. ئەڤراسیاب موسا، رێڤەبەرێ گشتی ساخلەمیا پارێزگەها دهۆکێ هژمارەکا تیمێن ساخلەمیێ هاتنە پێکهێنان ورەوانەکرن بۆ پەرستگەها لالش ژبۆ خزمەتکرنا خەلکێ سەرەدانا پەرستگەها لالش کەن بۆ جەژنا جەمایێ یا کوردێن ئێزدی.
تیمێن ڕێڤەبەریا گشتی ساخلەمیا پارێزگەها دهۆکێ بەردەوام دێ خزمەتێن ساخلەمیێ پێشکێشی خەلکێ کەن ل هەموو رۆژێن ڕێوڕەسمێن جه‌ژنا جه‌مایێ یا خویشك و برایێن ئێزدی ل په‌رستگه‌ها لالش.
بۆ زانین تیمێن ساخلەمیا پارێزگەها دهۆکێ بۆ دەمێ حەفت رۆژان دێ پەرستگەها لالش خزمەتێن ساخلەمیێ بۆ زیارەتکارێن لالش دابین کەت.
هەر بۆ ڤێ مەرەمێ د. کریم كمال رێڤەبەری کەرتێ ساخلەمیێ ل شێخان سەرەدانا تیمێن ساخلەمیێ کرن دئەرکی خۆ دا بوون بۆ خزمەتکرنا هاووڵاتیان بناڤى ريڤه به ريا گشتى سوپاسيا وان كر.