ناڤه‌ندا نووچه‌يان ــ سه‌ما
نوونه‌را ئێزدييان ل په‌رله‌مانێ كوردستانێ، كاراكرنا په‌رله‌مانێ كوردستانێ پێنگاڤەکا گرنگە بۆ پاراستنا قه‌واره و شه‌رعيه‌تا هەرێما کوردستانێ و بهێزکرنا پێگەهێ نێڤدەولەتی یێ هەرێمێ.
ئيرۆ پێنشەمبێ، 5ـی چريا دويێ 2026، وشيان خودێدا ئۆمۆ، نوونه‌را ئێزدييان ل په‌رله‌مانێ كوردستانێ، بۆ سه‌ما راگه‌هاند، کاراکرنا پەرلەمانێ کوردستانێ پشتی دەربازبوونا وی ب قۆناغەکا هەستیار دا، پشتى هەلبژارتنا دەستەیا سەرۆکاتییا نوو یا پەرلەمانی، پێنگاڤەکا ستراتیژى و گرنگە بەرەڤ مکومکرنا دیموکراسیيێ، چەسپاندنا سەروەرییا یاسایێ و کووركرنا بهایێن پێکڤەژیانا ئاشتییانە ل هەرێما کوردستانێ دا.
نوونه‌را ئێزدييان ئاماژه ب وێ چه‌ندێ دا، کاراکرنا پەرلەمانێ کوردستانێ پێشهاتەکا گرنگا دەستووری و دامەزراوەیی یە و پێنگاڤەکا بەرچاڤە بۆ پاراستن و بهێزکرنا پێگەهێ نێڤدەولەتی یێ هەرێمێ، و وه‌رچه‌رخانه‌كا چاره‌نڤيسازه بۆ پێشڤەبرنا حوکمرانییا دیموکراتی و مکومکرنا پەیوەندییێن وێ دگەل جڤاکێ نێڤدەولەتی.
ئەڤه ژى د ده‌مه‌كى دايه، دوهى ب ئامادەبوونا 52 پەرلەمانتاران، روونشتنا پەرلەمانێ کوردستانێ ب ڕێڤە چۆ و دەستەیا سەرۆکاتیيا پەرلەمانى هاته هەلبژارتن.