ناڤه‌ندا نووچه‌یان – سه‌ما
میر حازم ته‌حسین به‌گ، میرێ ئێزدییان ل كوردستان، عێراقێ و جیهانێ، ل گەل ته‌خ و چینێن جڤاکی، ئۆلی، سیاسی و ڕەوشەنبیری، زێدەباری نوونەرێن کۆمەل و سەنتەر یێن ره‌ڤه‌ندا ئێزدییان ژ عێراق، سوریا و تورکیا یێن ئاکنجی ل هه‌رێما برێمن یا ئەلمانی کۆمبوو، ئەڤە ژی د چوارچۆڤێ گەشتا وی یا بەردەوام دا بۆ کۆمارا ئەلمانيا فیدڕال.
د ڤێ کۆمبوونا ڕاوێژکاری دا، ئەوا کەشوهەوایەکێ برایینی و تێگەهشتنێ تێدا زال بوویی، بەحس ل کاروبارێن ره‌ڤه‌ندێ و ڕێیێن بهێزکرنا پەیوەندییان ل گەل سەرکردایەتییا ڕۆحی هاتە کرن.
ژ ئالییێ خۆ ڤە، ئامادەبوویان خۆشحالییا خۆ ب ڤێ سەرەدانێ دیار کرن، و به‌رهه‌ڤیا خۆ نیشاندان بۆ کارێ هەڤبه‌ش ب ئاوایەکی کو ئێکرێزی و ئێکگرتنا د ناڤبەرا جڤاکێ ئێزدی دا ل دەرڤەیی وەلاتی بپارێزت.