كه‌سايه‌تيه‌كێ بنه‌مالا ميران:” ئێزدى ئه‌سلێ كوردانە”
باسنيوز:
كه‌ساتیه‌كێ بنه‌مالا میرێن ئێزدیان دیاركر، گرووپێن نه‌شه‌رعى رۆله‌كێ گه‌له‌ك خراب و مه‌ترسیدار دگێرن بۆ دروست كرنا فتنێ و ڤه‌قه‌تاندنا ئێزدیان ژ جڤاكا كوردى لێ ئێزدى ئه‌سلێ كوردانە و چ جاران په‌رستگه‌ها لالش ژ كوردستانێ جۆدا نابیت”.
داسن فاروق به‌گ، ژبنه‌مالا میرێن ئێزدیان بۆ (باسنیوز) راگه‌هاند:” بۆ ته‌عریبكرنا ده‌ڤه‌رێن ئێزدیان هنده‌ك گرووپ و لایه‌نێن سیاسى ل په‌رله‌مانێ عێراقێ كاردكه‌ن کۆ ئێزدیان ژ جڤاكا كوردى دوویر بكه‌ن، ژ مێژەیە کۆ كار ل سه‌ر ڤێ چه‌ندێ دکەن بەلێ سه‌رناگریت ژبەرکۆ چ جاران په‌رستگه‌ها لالش ژ كوردستانێ جۆدا نابیت”.
ئاشكرا ژی كر:” ل جهێ ڤان پێنگاڤان بلا ئه‌و گرووپ و لایه‌نێن سیاسى بۆ ناساندنا جینۆسایدا ئێزدیان ل عێراقێ كار بكه‌ن ئەگەر دخه‌ما ئێزدیان دانه لێ وان مه‌ره‌مێن سیاسى پێ هه‌نه، گرووپێن نه‌شه‌رعی ئێزدیان هان دده‌ن هه‌تا ئێزدى بێژن ئه‌م نه كوردن لێ ئێزدى ئه‌سلێ كوردانە”.