ل ئه‌لمانيا دوو گه‌نجێن ئێزدى بێ سه‌رشوونن
سه‌ما:
ژ دوهى وه‌ره دوو گه‌نجێن ئێزدى يێن خه‌لكێ ناحيا خانكێ ژ مال ده‌ركه‌فتينه،پۆليسێن باژێرێ بيليفێلد دبێژن:هه‌ردوو گه‌نج نه‌هاتينه ديتن و لێگه‌ريان يا به‌رده‌وامه.
هه‌ردوو گه‌نجێن ئێزدى “دیار به‌هزاد موراد” و “ره‌زڤان وه‌لید شێخ سلۆ”،ته‌مه‌نێ وان دناڤبه‌را 16_17ساليێ دايه،دوهى ڕۆژا دووشه‌مبوويێ 10ى حوزه‌يرانێ ل ده‌مژمێر هه‌فتى سپێدێ ژ مال ده‌ركه‌فتينه و تانۆكه دبێ سه‌ر و شوونن.
ئێك ژ كه‌سوكارێن ڤان گه‌نجان بۆ (سه‌ما)ڕاگه‌هاند؛ئه‌ڤ هه‌ردوو گه‌نج پێكڤه پشتى ژ مال ده‌ركه‌فتين گۆتيه مالباتا خۆ دێ چنه قوتابخانێ،به‌لێ قوتابخانێ و پۆليسان ئه‌و ئاگه‌هداركرينه كو نه‌هاتينه قوتابخانێ و موبايلێن وان دگرتينه و لێگه‌ريان ژلايێ پۆليسان ڤه يا به‌رده‌وامه.
ئه‌ڤ هه‌ردوو گه‌نج خه‌لكێ گوندێ ربێبيێ نه ل ناحيا خانكێ و ل باژێرێ بيليفێلد ل وه‌لاتێ ئه‌لمانيا ئاكنجى نه.
پشتى هێرشا ڕێكخراوا داعش بۆ سه‌ر شنگالێ،ل گۆڕه‌ى زانياريان زێده‌ترى 120 هه‌زار وه‌لاتيێن ئێزدى كۆچكريه ده‌رڤه‌ى وه‌لاتى.