شكەفتا چار ستوونە ل پارێزگەها دهۆكێ یان چار یارە
هۆگر حەیدۆ
شكەفتا چارستون ئێكە ژشوینوارێن ناڤدارێن پارێرزگەها دهۆكێ؛بەلێ ب مخابنی ڤە نهۆ مێژووا وێ هاتیە شێواندن و هندەك دیرۆكناس مێژووا وێ دزڤریننە سەردەمێ زەردەشتیا (مەزداسنی) هەكە ل دیرۆكێ بگەرین دزڤرتە بەری زەردەشتییا مێژووا وێ دزڤرتە سەردەمێ میترائیا ( شەمسانی ) یە چونكی میترائیا دگوتنێ ( ئەرد ، ئاڤ ، با ، ئاگر) د ئۆلا ئێزدیاندا دبێژنێ چار یار( ئاخ ، ئاڤ ، با ، ئاگر) كو هەتا نهو ل پەرستگەها لالش ل سەر دیوارێن نیشانگەها پیركڤان نیشانا كۆمكرنێ (+ ) یا هەی كو ژ چار هێلا پێك هاتی یە ، هەر هێلەك ئاماژەیەكا بۆ هەر ئێك ژ نمادێ سەری من بەحس ژێ كرین .
پەدشایە و هەرچار یارە
ل مەركەبێ د بوون سوارە
ل لالشێ سەكنین گوت ئەڤە حەق وارە
بەلگێن مێژووی د سەلمینن ئەو شكەفتە خۆداوەندێن میترائیا پەرستن تێدا كریا نەك زەرادەشتی یە، چونكی جوداهی دناڤبەرا پەرستگەهێن زارەشتییا و میترائیا یا هەی، ل دیڤ ژێدەرێن مێژووی پەرستەگەهێن زاردەشتییا دڤیا دگرتی بانە بتنێ دەرگەهەكی بچوك هەبا دا تیرۆژكێن رۆژێ نە چنە ژۆر دا ل ئاگری نەدان چونكی هەكە تیروژكا رۆژێ چو ژورێ ئاگر ژ پیرۆزی و پاكژیا خو دكەفت وی دەمی ئاگر ل سەر كانونەكی دهاتە هلكرن ودڤیا پەرستەگەهێن زەرەدەشتییا ل جهێن ڤەدەر یان جهەكی راستبانە،بەلێ پەرستگەهێن میترائییا هەموو دەما یێ شكەفتادا د بن چیادا؛ چونكی میترا خۆداوەندێ روژێ بوو، رۆژ ل ناڤ چیایا دەردكەڤت( رۆژهەلات ) و ل ناڤ چیایە چت ( رۆژئاڤە) ژ بەر هندێ رێبەرێن ئۆلی یێت میترائییا ئەڤ جۆرە شكەفتە بخۆ دكرنە پەرستگەه ل دەمێ رۆژهەلاتی و رۆژئاڤایی دا تیشكێن رۆژێ ل شكەفتێ بدەن، هەروەسا هیچ جهەكی شینواری یێ زەردەشتییا ل دهۆكێ نینە بەلێ هەتا نهۆ جهێن شینواری یێن شەمسانییا (ئێزدییا) یێن هەین وەك گوندێ پیرێ ئۆمەرا ( ئۆمەر خالە) مەرەبیێ شیخادی بوو گوندەكە نێزیكی شكەفتا چار ستوون، قوبەكا ئێزدیان دكەفتە نیڤا سووكا دهۆكێ. داخوازامە ژ جهێن پەیوەندیدار ئەوە نهۆ شكەفت یا دهێتە نوژەنكرن ناڤ و مێژووا ڤی جهی ب دروستی بێتە دیاركرن دا.
