گرۆپه‌ك ل عيراقێ هاندانا خۆكوشتنێ دكه‌ت
سه‌ما
پەیڤدارێ ئاساییشا نشتیمانی یا عیراقێ رادگه‌هينت،هێزێن وان ل چەند ئۆپەراسیۆنێن جیاوازدا كارين ئەندامه‌كێ سەرەکی يێ گرۆپى دەسته‌سه‌ر بکەن کو بوويه ئه‌گه‌رێ خۆکوشتنا ب ده‌هان کەسان ل پارێزگه‌ها زیقار.
ده‌زگه‌هێ ئاساییشا نشتیمانی یا عیراقێ رۆنكر،گرۆپەک هەیە بناڤێ ” ئەم قوربانی نە” و کەسەک د بزاڤا خۆکوشتنێ دا هاتە دەستەسەرکرن و د بن ڤه‌كۆلینێ دا وى دانپێدان کریە کو ئەو گەنجێن ژیێ وان دبن 25 سالییێ دا کۆمڤە دکه‌ن و هانددەن بۆ ئەنجامدانا کارێن خراپ و برێکا چەندین گرۆپێن سۆشیالێ پشککێشانێ بۆ ناڤێن چەندین کەسان ژ ئەوان گەنجان دکەن و هەر کەسێ ناڤێ وی دەرکەفت دڤێت خۆ بکوژیت و ب ئەڤێ رێكێ حەتا نوکە 5 گەنجان خۆ کوشتینە .
ئەرشەد ئەلحاکم پەیڤدارێ ئاساییشا نشتیمانی یا ئیراقێ ل کۆنفرانسەکێ رۆژنامەڤانی دا راگەهاند، پشتی زانیارییێن تەمام د ڤەکۆلینان دا بدەستکەفتین تیمێن وان شیان برێکا دویڤچوونان 31 کەسێن دی ب تومه‌تا ئەندامبوونێ د ئەڤی گرۆپی دا ژ پارێزگەهێن واست، بەسرە و زیقار هاتینە دەستەسەرکرن و دویڤچوون و ڤەکۆلین د بەرەوامن.
به‌حسێ وێ چه‌ندێ ژى كر،ئه‌و ئه‌ندامێن وى گرۆپى يێن ده‌سته‌سه‌ركرين راده‌ستى لايه‌نێن په‌يوه‌نديدار هاتينه كرن.