به‌رپرسێ نڤيسينگه‌ها لالش مه‌هه‌تێ:پرۆژێ پشته‌ڤانيكرنا دارايى ڕێزگرتنه بۆ رزگاربوويان
سه‌ما
پرۆژێ پشته‌ڤانيكرنا دارايى بۆ پترى سێ هه‌زار ڕزگاربوويێن ئێزدى ژلايێ حكومه‌تا هه‌رێما كوردستانێ ڤه،هه‌موو ئێزدى دلخۆشكرن و ب پێنگاڤه‌كا گرنگ ل قه‌له‌م دان.
مه‌هدى حه‌سه‌ن،به‌رپرسێ نڤيسينگه‌ها لالش مه‌هه‌تێ بۆ سه‌ما دياركر،ئەڤ چەندە مزگینیەکا مەزن بوو ژبۆ ئێزدیان و ئەم د چاڤەرێ کريبووین کارەکی وەسا یێ پیرۆز ژلایێ رێزدار مه‌سرور بارزانى حکومەتا هەرێما کوردستانێ ڤه بێتە ئەنجامدان،ژبەرکو ئەڤە ماوەکی درێژە ئەڤ گازی دئێتە داخازکرن ژلایێ هەر کەسەکی ڤە ڕێزگرتنەک ل ڤان ڕزگاربوویا بێتە کرن، بەلێ جهێ داخێیە کەسی خۆ ل ڤان قوربانیا و ڕزگاربوویان نەکرە خودان،ب شانازی ڤە حکومەتا هەرێما کوردستانێ وەکی هەر جارەکا هەی خۆ ل گازیا ئێزدیان کرە خودان و ئەڤ پرۆژە هاتە ڕاگەهاندن.
گۆت ژى بێگۆمان گرنگیەکا مەزن هەیە وەک ڕێزگرتنەک ئەڤ بەخشینا هەیڤانە بگه‌هته دەستێ ڤان کچ و ژنێن هاتینە ڕزگارکرن،ژبەرکو گلەیەک هەبوو ژ بتریا ئێزدیان ڤە کو فەرە بەرنامەک بێتە بەرهەڤکرن وەکی ڤێ هاریکاریێ ژبۆ ڤان کچ و دەیکێن ڕزگاربووی و ل بن چادرێن رزی و دره‌وشەکا خراب دا دژین.
زێده‌تر گۆت:پشتەڤانیا ڤان کچ و ژنێن ڕزگاربوويی دلخۆشکرنا ئێزديخانێ هەموویێ يه،هەر چ بێتەکرن هێشا کێمە،سوپاسیا حکومەتا هەرێمێ دكه‌ين كو هەر گازی و داخوازه‌كا ئێزدیان هەبت بجهـ دئينن.
هه‌موو بزاڤ ئەون بەری سالرۆژا جينۆسايدا ئێزديان ل 3ی 8ی، ئەڤ پرۆژەیە بکەفتە د بوارێ بجهئینانێ دا.
هه‌ژمارا ڕزگاربوویێن دەستێ داعش کو ژ پشته‌ڤانیا دارایی یا سەرۆکوەزیران مفادارببن، سێ هه‌زار و 570 کەسن.