بنگه‌هێ لالش په‌رتۆكه‌كا نوو وه‌شاند
سه‌ما
بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ،په‌رتۆكا دى ب زمانێ عه‌ره‌بى وه‌شاند و چه‌ندين بابه‌تێن گرێدايى ب كاروبارێن ئێزديان بخۆڤه دگرت.
ژ زنجيره وه‌شانێن بنگه‌هێ لالش په‌رتۆكا(مباحث ومقترحات) يا نڤيسكار عزه‌دين باقه‌سرى هاته ده‌رخستن،ناڤه‌رۆكا وێ باس ل تيرۆر و ته‌عريب و ده‌ستوورى و چه‌ندين بابه‌تێن گرێدايى ب كاروبارێن ئێزديان ڤه دكه‌ت.
په‌رتۆك ب زمانێ عه‌ره‌بى هاتيه وه‌شاندن و نڤيسكار ل به‌رگێ داويێ يێ به‌رهه‌مێ خۆ كۆمه‌كا پێشنياران ئاراسته دكه‌ت ژبۆ ئاڤاكرنا گۆتاره‌كا ئێكگرتى بۆ هه‌ڤگرتنا جڤاكا ئێزديان.
بنگه‌هێ لالش تاكه سازييا ڕه‌وشه‌نبيرى و كۆمه‌ڵايه‌تى يا ئێزديان ل سه‌رانسه‌رى جيهانێ،تا نۆكه ب ده‌هان په‌رتۆكێن هه‌مه‌جۆر يێن نڤيسكارێن ئێزدى و بيانى وه‌شاندينه.
د دڕێژاهيا ديرۆكێ دا نڤيسكاران ب شاشى ل سه‌ر ئێزديان نڤيسايه،لێ پشتى دامه‌زراندنا بنگه‌هێ لالش ئه‌و شاشى هاتينه ڕاستڤه‌كرن و ڕه‌سه‌ناتيا ئێزدياتيێ بۆ جيهانێ دايه ناسين.
هه‌روه‌سا ل بنگه‌هێ لالش په‌رتۆكخانه‌ك هاتيه ڤه‌كرن وتێدا ب سه‌دان په‌رتۆك و به‌رهه‌مێن نڤيسكاران هاتينه كۆمكرن،نڤيسكار و ڤه‌كۆله‌ر و ڕه‌وشه‌نبير و قوتابيێن زانكۆيێ به‌رده‌وام سه‌ره‌دانێ دكه‌ن ژبۆ كۆمكرنا زانياريان ل دۆر ئێزديان.