چالاكڤانه‌ك:چارەنڤیسێ خەلکێ شنگال بەره‌ف ئاقارەكێ نه‌ديار ڤه‌دچت
سه‌ما
پشتی 10 سالێن ئاوارەبوونێ نوو گەفێن ڤەگەریانەکا ب زۆری ل ئاواره‌يان دئێتە کرن ژلایێ وەزارەتا کۆچ وکۆچبەرێن عیراقێ ڤە، چالاكڤانه‌كا ئێزدى ژى دبێژت:شنگال بەره‌ف ب چارەنڤیسەکێ هندا و بێ بنەما ڤە دچت.
دلڤين خه‌له‌ف،چالاكڤانا سڤيل يا ئێزدى بۆ سه‌ما راگه‌هاند؛د ئەڤان 10 سالێن دەربازبووی دە خەلکێ خۆراگرێ شنگالێ ب ئیرادەکا بهێز رووبروویی هەموو جۆرێن نەخۆشیێ و زەحمەتیا ژیانێ بووین و چاڤەرێی ڤەگەریانەکا ب سەرفەرازی بووینە، لێ حکومەتا فیدرال بابەتێ ڤەگەریانا وان ل بەرچاڤ نەگرتیە و پشتگوه ڤە هاڤێتیە یان ژی پشتی نوو گەفێن ڤەگەریانەکا ب زۆری ل وان دئێتە کرن ژلایێ وەزارەتا کۆچ وکۆچبەران ڤه.
گۆت ژى:ئيرۆ نیڤ ژ خەلکێ شنگالێ كۆچبه‌رى دەرڤەی وەلاتی بووينه و نیڤێ دی ژی بووینە دوو بەش دناڤ بەرا شنگال و مانا دناڤ کەمپان دە، ئەوێن لناڤ کەمپان دە ژی نیڤا ئەوان بووینە خودان مال ل ئەڤێ دەڤەرێ و نيازا ڤەگەریانا شنگال نەبووینە،لەوا ئەم دبینن چارەنڤیسێ خەلکێ شنگال بەر ب ئاقارەکێ خراب ڤە دچت.
نێزيكه ده‌هه‌مين ساڵ بسه‌ر جينۆسايدا ئێزديان ژلايێ تيرۆرستێن داعشێ ڤه ده‌رباز ببن،هێشتا ب هه‌زاران خێزانێن ئاواره‌يێن شنگالێ ل كه‌مپان و ژ ده‌رڤه ژيانا خۆ ده‌رباز دكه‌ن و چاڤه‌رێ ڤه‌گه‌ريانا سه‌ر ده‌ڤه‌رێن خۆ دكه‌ن.