سه‌ما
د راپۆرتەکا نوو دا، مستەفا حەمید، رێڤەبەرێ راگەهاندنا فەرمانگەها كاروبارێن مینان ل وەزارەتا ژینگەها عیراقێ، رەوشا هەنووکە یا پاقژکرنا ئاخێ ژ مینان ل عیراق و هەرێما کوردستانێ ئاشکرا کر.
ل گۆر داخویانیێن رێڤەبەرێ راگەهاندنا فەرمانگەها كاروبارێن مینان، هەتا نها 4 هزار و 540 کیلۆمەترێن چوارگۆشە ژ ئاخا مینڕێژکری هاتینە پاقژکرن.،هه‌روه‌سا 2 هزار و 60 کیلۆمەترێن چوارگۆشە یێن مینڕێژکری هێشتا ماینە، ژى نوکە تیم کار ل سەر پاقژکرنا 400 بۆ 450 کیلۆمەترێن چوارگۆشە یێن دی ل هەموو پارێزگەهان دکەن.
حەمید دووپاتكر کر کو پڕۆسەیا پاقژکرنێ یا بەردەوامە ل دویڤ ستراتیژییا هەڤپشک یا دەزگەهێ گشتی یێ كاروبارێن مینان یێ هەرێمێ و فەرمانگەها كاروبارێن مینان یا عیراقێ بۆ سالێن 2023-2028.
جهێ ئاماژێ یە کو ل 9ـێ ئابا 2023، دەزگەهێ گشتی یێ کاروبارێن مینان ل هەرێما کوردستانێ و فەرمانگەها کاروبارێن مینان یا عیراقێ، د رێورەسمەکێ دا ل بەغدا، پلانا ستراتیژییا هەڤپشک یا نشتیمانی بۆ بەرنامێ کاروبارێن مینان و پاقژكرنا ئاخا هەردوولا ژ مین و پاشماوێن جەنگی راگەهاند.
ئەڤ راپۆرتە دیار دکەت کو هەرچەندە پێشکەفتنێن گرنگ هاتینە کرن، لێ هێشتا کارەکێ بەرفرەه ل پێشیا تیمێن پاقژکرنێ هەیە. ئەڤ یەکە گرنگیا بەردەوامبوونا هەڤکاریێ د ناڤبەرا هەرێم و حکومەتا ناڤەندی دا نیشان ددەت، دا کو ئاخا عیراقێ و هەرێما کوردستانێ ژ مەترسیا مینان بهێتە رزگارکرن.