سه‌ما
ڤه‌كۆله‌ره‌كێ ئێزدى ئاشكراكر، ده‌هـ ساڵ ل سه‌ر بۆرینا جينۆسايدا ئێزديان ل شنگالێ ده‌ربازبوون، بۆ قۆناغێن بێت ئێزديان پێدڤى ب دامه‌زراندنا جڤاته‌كێ هه‌يه.
ل ڕۆژا چارشه‌مبوويێ 14ى ته‌باخا 2024ێ، ڤه‌كۆله‌رێ ئێزدى داود موراد خه‌تارى بۆ سه‌ما راگه‌هاند، وه‌كو ئێزدی و ملله‌تێ كورد ب گشتى ئێش و ئازارێن هه‌رده‌می و دگه‌ل بیرئینانا جينۆسایدێن به‌رێ ژى بينه به‌رچاڤێن خۆ، فه‌ره بێژێن بۆچی وه‌سا ب سه‌رێ مه هات ئه‌گه‌ر چیبوون و به‌رده‌وامی ب قركرنێ دئێته دان، له‌وا پێتڤیه ملله‌تێ كورد ئێكگرتى بن،ئه‌گه‌ر نه به‌روڤاژی دێ به‌رده‌وام تالانكرن،كوشتن،ده‌ربه‌ده‌ری و كۆچبه‌ری به‌هرا ملله‌تێ مه‌بت.
راگه‌هاند ژى: ئێزديان پێدڤى ب دامه‌زراندنا جڤاته‌كێ هه‌يه كو ئاگه‌هدارى ڕه‌وش و پێشهاتێن نوو ببت، هه‌روه‌سا بزانن چ بۆ ئێزديان بكه‌ن د ئاينده‌يى دا.
ئێزدى هێشتا د ڕه‌وشه‌كا هه‌ستيار و په‌ريشان دا ب تايبه‌ت ئاواره‌يێن شنگالێ ل كه‌مپاندا ژيانا خۆ ده‌رباز دكه‌ن، ئه‌و ب هيڤى نه ده‌ڤه‌را شنگالێ ئاراميێ ب خۆڤه ببينت و بێنه قه‌ره‌بووكرن داكو دووباره ڤه‌گه‌رنه سه‌ر زێدێ خۆ ڤه.