كور بەكەرا ئێك ژ خاس و باب چاكێن مە ئێزديا دبتە كورێ پيرێ ئالوبەكەر وئاقدا وى يا ل لالشا نورانى ، بنەمالا جنديێ لاسوى د بێژنێ مالا جنديێ موختار نھا ل گوندێ مامرەشا ئاكنجينە خو ب مجێورێن ڤى چاكى دادنێن ونيشانێن وى يێ ل مالا وان و چرايێ وى ڤەدئێخن ژ چینا مریدا نە ،ھەر وەكى د باوەريا مە ئێزديا دا ھزرا خوداوەندان ھەتا نھا ب گرنگى مايە ئەڤ كوربەكرا خوداوەندێ نەخوشى يێن پيستى و ئێشا گران بيە و ھەر پرسكەك و كولكەك یان نەخوشيەكا پيستى ل ھەر مرۆڤەكى بھێت قەستا بەر نيشانێن وى دكەن بو چارەسەريێ، ئەڤ مال سالێ سێ جارا سماتا گور بەكرا دروست دكەن بەلێ دوو جارا ل لالشا نورانى و جارەكێ ل مال ل گوندى ، جارا ئێكێ ل جەژنا چلێ ھاڤينێ ل پەرستگەھا لالش سماتێ دروست دكەن و مريد و خەلكێ ل بەر ئاقدێ پشكدارى رێ و رەسما دبن ، جارا دوويێ ديسا ل جەژنا جەمايێ ژى ھەمان سماتێ بەرھەڤدكەن و د كەنە خێر ل سەر خەلكێ دابەش دكەن و ئەو خەلكێ حازر پشكداردبن و جارا سێ ل مال گونديا خرڤەدكەن پشتى جەژنا جمايێ ھەر چ هەفتيەكا ھەبيت ل چریا ئێکێ دكەنە دانەبى ئێك ژ ڤێ مالێ د چتە سەر جهەكى بلند و سێ جارا ب دەنگەكى بلند گازى د كەت سوباھى سماتا كوربەكرا گەلى گونديا و سەر داخازيا مجێورى ھێڤارى ھەمى گوندى ل مالا وان خرڤەدبن بتايبەت كەسانێن ئولى و مجێور و زاناێن ئولى ل دەڤەرێ قەستا مالا مجێورێ ئالوبەکرا دكن ول وێ دەرێ خرڤەدبن و چەندين قەول و قەسيدا وسەرھاتى و خزێموكا د بێژن و پشتى نيڤا شەڤێ سماتێ د كەلينن و سبەيكێ زوو كچێن بوكر قستا ڤێ مالێن د كن و سماتێ د گێرن ل سەر گوندياو بو دەمێ سپێدێ گوندى و خەلك ل مالا مجێورێ كوربەكرا حازردبن و پێكڤە سماتێ د خون ، ژ بەر پيروزيا ڤێ سماتێ و ھەر كەسەكى دل د خێرێ ھەيى ژمارەكا مالا و خێرخوازا سەربرا د ئيننە مالا مجێورى و د كەنە خێر د گەل سماتێ ل مالا مجێورى .
