سه‌ما
به‌رپرسێ نڤيسینگەها رزگارکرنا گرتيێن ئێزدى ژ دەستێ داعش ئاماژێ ب وێ چه‌ندێ دكه‌ت، هێشتا زێده‌ترى 2 هه‌زار كه‌سێن ئێزدى بێسه‌روشوونن.
حسێن قائيدى، به‌رپرسێ نڤيسینگەها رزگارکرنا گرتيێن ئێزدى ژ دەستێ داعش بۆ سه‌ما ئاشكراكر، ده‌مێ رێكخراوا داعش يا تيرۆرستى ده‌ست بسه‌ر شنگالێ دا گرتى 6417كه‌سێن ئێزدى كه‌فتنه ده‌ستێ تيرۆرستان دا.
قائيدى راگه‌هاند: ژسه‌رجه‌مێ ئێزديێن هاتينه گرتن، تا ئيڕۆ 3,577 کەس هاتينه رزگارکرن و 2,593 کەسێن دى بێسەروشوونن.
دبێژت: هه‌ول و بزاڤێن وان دبه‌رده‌وامن بۆ رزگاركرنا هه‌موو گرتيێن ئێزدى ژ ده‌ستێ داعشێ.
ل 3/8/2014 رێكخراوا داعش ب شێوه‌كى هۆڤانه كۆمكوژى ده‌رهه‌قێ ئێزديان ل شنگالێ ئه‌نجامدا و ب هه‌زاران وه‌لاتيێن ئێزدى هاتن گرتن و كوشتن و ده‌ربه‌رده‌ركرن.