سه‌ما
ئيرۆ به‌رى نیڤرۆ رۆژا ئێك شه‌مبوويێ 24ى تشرينا دووێ 2024 ێ، دانا عه‌بدولكه‌ریم، وه‌زیرێ ئاڤه‌دانكرن وئاكنجیكرنێ سه‌را پارێزگه‌ها دهۆكێ دا ژلایێ د.عه‌لى ته‌ته‌ر پارێزگارێ دهۆكێ پێشوازى لێ هاته كرن.
دهه‌ڤدیتنه‌كێدا ب ئاماده‌بونا چه‌ند رێڤه‌به‌رێن گشتى به‌حسێ كار وپرۆژێن وه‌زاره‌تا ئاڤه‌دانكرنێ دبیاڤێ رێك وپرا وئاكنجیبونێ دا نه‌خاسمه چێكرن وسه‌خبێركرنا رێكێن سه‌ره‌كى دناڤبه‌ر پارێزگه‌هێن هه‌رێمێ وسه‌نته‌رێ پارێزگه‌هان وده‌ڤه‌ردارى ونا وچه‌داریان دا ب گشتى هاته كرن.
وه‌زیرێ ئاڤه‌دانكرن وئاكنجیكرنێ دیاركر كۆ ل سه‌ر ده‌مێ كابینا نه‌هێ یا حكومه‌تا هه‌رێما كوردستانێ پتر ژ (549) پرۆژێن رێك وپرا وئاكنجیبونێ بكوژمێ ئێك ترلییون دینارا كه‌تینه دوارێ بجهئینانێ دا و هنده‌ك ب دوماهیك هاتینه و كار ل سه‌ر یێن دى دبه‌رده‌وامن ودویاركر كۆ ل ساڵا نوو ژى پرۆژه دێ دبه‌رده‌وامبن وخواست كۆ پارێزگه‌ها دهۆكێ هاریكاربیت بۆ بجهئینانا به‌رنامێن وه‌زاره‌تێ.
پارێزگارێ دهۆكێ گرنگیا رێك وبانا بۆ خه‌لكێ پارێزگه‌هێ به‌رچاڤكر و گوت 80% ژبودجا پارێزگه‌ها دهۆكێ بۆ چێكرنا رێك وبانا هاتیه ته‌رخانكرن و پشته‌ڤانیا پارێزگه‌هێ نیشان دا بۆ هه‌ر هاریكاریه‌كێ.