سه‌ما
بنگه‌هێ لالش ل دهۆكێ ب هه‌ماهه‌نگى ل گه‌ل وه‌زاره‌تا خواندنا بلند ل حكومه‌تا هه‌رێما كوردستانێ كێشه‌يه‌كا قوتابيێن شنگالێ چاره‌كر.
ل رۆژا پێنج شه‌مبوويێ، 14ى تشرينا دووێ 2024ێ، مونیب سه‌یدۆ، به‌رپرسێ پشكا قوتابیان ل بنگه‌هێ لالش ل دهۆكێ بۆ سه‌ما گۆت: پشتی ئه‌نجامێن زانكۆلاین هاتینه ڕاگه‌هاندن، پشكه‌كا قوتابیێن شنگالێ ئاریشه هه‌بوون ئه‌وژی هێشتا به‌لگه‌نامێن وان یێن ده‌رچوونێ ژ وه‌زاره‌تێ نه‌هاتبوون.
دبێژت: وه‌كو ليژنا قوتابیان مه خوه ل ڤی بابه‌تی كريه خودان و دگه‌ل وه‌زاره‌تا خواندنا بلند و زانكۆیێن وێ ل دهۆكێ دانوستاندن، چاره‌سه‌ری ئه‌وبوو قوتابیێن شنگالێ كارین ب رێكا په‌سه‌نده‌كێ ژ قوتابخانێ و په‌روه‌ردا وێ ده‌ڤه‌رێ زانكۆلاینێ پربكه‌ن.
به‌رپرسێ پشكا قوتابیان ئاماژه ب وێ چه‌ندێ دا، هه‌رده‌ما به‌لگه‌ناما وی/وێ هات، دڤێت ل شوونا په‌سه‌ندێ تۆمار بكه‌ن.
ئيساله ب سه‌دان قوتابيێن شنگالێ ل كوليژ و په‌يمانگه‌هێن هه‌رێما كوردستانێ هاتنه وه‌رگرتن، كو بلندترين رێژه‌يه به‌راود دگه‌ل ساڵێن بۆرى دا هاتبته تۆماركرن.