سەرۆک وەزیران مەسرور بارزانی، هاتنا سەرێ سالا نوو يا زایینی ل وه‌لاتیێن کوردستانێ پیرۆز دکه‌ت و ب پێدڤى زانى سالا بێت کێشەیا مووچەى ب شێوەیەکی بنەڕەتی بێته چارەسه‌ركرن.
ده‌قێ په‌ياما سەرۆکێ حكومه‌تا هه‌رێما كوردستانێ:
ب هه‌لكه‌فتا هاتنا سالا نوو یا زایینی 2025 ێ، گەرمترین پیرۆزباهییان ل هه‌موو وه‌لاتییێن هەرێمێ و هه‌موو کوردستانیان دکەم وهیڤییا خۆشی شادییێ و ساله‌كا پڕ ژ ئارامییێ بۆ هەموویان دخوازم .
سوپاسییا خۆڕاگری و بێهنفره‌هیا خەڵکێ نیشتمانپەروەر و ستەملێکرییێ هەرێما کوردستانێ دکەم ، کو ب مخابنی ڤه ب ئه‌گه‌رێ دروستکرنا كێشه‌یان و نەهنارتنا شایستێن دارایی یێن مووچەخۆرێن هەرێما کوردستانێ ژ لایێ حکومەتا فیدرالیڤه، مووچەخۆرێن هەرێمێ، ساله‌كا دیتر یا دارایی یا دژوار ده‌ربازكر.
حکومەتا هەرێما کوردستانێ هەموو ئەرکێن خۆ بە تەمامی بجهئیناینه، له‌وما پێدڤییە ئەڤ کێشە ل سالا بهێت، ب شێوەكێ بنەڕەتی بهێته چارەسەر کرن.
هیڤیدارین ، د زووترین ده‌مدا، دانوستاندنێن لایەنێن سیاسی یێن هەرێما کوردستانێ بگه‌هنه ئه‌نجامی و ل سەر پێکئینانا کابینا نوویا حکومەتێ بگەهنە ڕێککەڤتنێ بۆ هندێ حکومەته‌كا ئێکگرتی یا بهێز و سەرانسەری بهێته دروست کرن کو د ئاست ئەرک و ته‌حه‌دییاتێن نوكه و بهێت دا بیت و بێی جوداهی خزمەتا هه‌موو پێکهاتێن هەرێما کوردستانێ بکه‌ت .
سالا نوو ل هەموو لایەکى پیرۆز بت و هیڤيدارين سالا ئاشتی و ئارامی و ئاڤەدانيێ بت.
مەسرور بارزانی
سەرۆکێ حكومه‌تا هه‌رێما كوردستانێ
2024/12/31