ناڤەندا نووچەیان – سەما
ژ دەستپێکا هێرشێن گرۆپێن چەکدار یێن سەر ب تورکیا ڤە ل سەر باژارێ حه‌له‌بێ ل سووریێ پێنج وه‌لاتيێن سڤيل يێن ئێزدى هاتينه كوشتن و ب سه‌دان ئاواره‌بوون.
ل رۆژا چارشه‌مبوويێ 4ى كانوونا ئێكێ 2024ێ، سه‌رحان عيسا، په‌يڤدارێ ئه‌نجومه‌نێ ئێزديێن سووريێ بۆ سه‌ما راگه‌هاند: دۆرێن پێنج هه‌زار ئێزدى ل كه‌مپێن شه‌هبايێ، شێخ مه‌قسوود، ئه‌شره‌فيێ و سريان هه‌نه ، پشتى هێرشێن گرۆپێن چه‌كدار بۆ سه‌ر باژێرێ حه‌له‌بێ پتريا وان ئاواره‌بووينه.
په‌يڤدارێ ئه‌نجومه‌نێ ئێزديێن سووريێ دبێژت:” ژ دەستپێکا هێرشێن گرۆپێن چەکدار بۆ سەر باژارێ حه‌له‌بێ پێنج وه‌لاتيێن ئێزدى هاتينه كوشتن و ل تاخێن شێخ مه‌قسوود و ئه‌شره‌فيێ ژيانا ئێزديان دمه‌ترسيێ دايه و به‌رده‌وام بنپێكارى همبه‌رى ئه‌وان دئێنه‌كرن”.
ناڤبرى ئاماژه ب وێ چه‌ندێ دا، ده‌زگه‌هێ خێرخوازیێ بارزانی بێ جياوازى هاريكاريا كۆچبه‌رێن ئێزدى يێن ژ حه‌له‌بێ ئاواره‌بووين دكه‌ت.
ل 26ى مه‌ها بۆرى چەکدارێن دەستەیا تەحریر شام کو پێشتر ب جەبهەیا نووسرە دهاتنه ناسين، هێرشه‌كا به‌رفره‌هـ کرنه سەر حەلەب و دەورووبەران و پتريا ده‌ڤه‌ران ل ژێر دەستهەڵاتا حکومەتا دیمەشقێ دا بوون، کۆنترۆڵکرن و ل چەند ده‌ڤه‌ران ژى، رووبڕووی هێزێن(هه‌سه‌د)ێ بوون.